Ɛsekeɛl 2:7 - mzwDBL

⁷ Dɛ ba no he be kɛɛ ba ta he be noɛ yoo, he te ka bol waa maa ŋɔa he bol ba be la. Ba ɛ nɛra ba deŋne aa kpeɡa.

Ɛsekeɛl 2:7 Referans Kwoze

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Ɛsekeɛl 3:10

Korowii berɔ ŋɔ n be ŋɔ, “Nɛwɛnyini bie, cheɡ deŋne dɛ́ no waa maa dɛ bol he be nɔ kɛrɛdɛ.

Ɛsekeɛl 2:5

Ba no he be kɛɛ ba ta he be noɛ yoo, ba ɛ deŋnekpeɡ tena wubwa, kɛ baa jemɔɔ kɛŋɔ Korowii keame ba ba be.

Jeremia 1:7

Ate, Korowii ŋɔ n be ŋɔ, “Bɛ ŋɔ he ɛ bechala, a chɛ kɛ he la nomɛlbwa maa tomɛ o be la be, dɛ́ ka bol wobɛlbwa maa doe ŋɔ hé bol.

Jeremia 1:17

Ir, dɛ́ kpɔ he te, Jeremia, dɛ́ ka bol wobɛlbwa maa doe ŋɔ hé bol ba be. Dɛɛ berɛ ba ɔma taraken, he ɛ ɡɛ naa, henee mɛɛ ba ɡela he berɛ ɔm ba kohona ba sie.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Jona 3:2

“Ir kaa bwɛjen Niniwe, dɛ́ ka bol waa n fa aa bol he be la bela tena be.”

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 7:27

Jeremia, he bol ɡɛ waa nɔ ba be kwaraa naa, baa he bee no, he yer ba ɡe aa, baa hen chaŋe.

Jeremia 17:20

dɛ́ ŋɔ ba be ŋɔ, ‘Hé cheɡ deŋne dɛɛ no Korowii wa, hé Juda koranar ne nomɛlbwa waa soɡe Jerusalam dɛ che doonyoa nɔ ta dɛɛ jo bwa.

Jeremia 36:14

nomonome la bwa tomɛ Nɛtanea bibaa Jehudi, o nabaa sɔne Sɛlɛmia, asɛ Sɛlɛmia ɡe mɛɛ sɔne Kusi. Jehudi laŋɔ ka ŋɔ Baruk be ŋɔ, “Kpɔ tɔn haa kure o bini waa baɡle nɛra la ba.” Anomanta, Baruk iro kpɔ tɔn la kpoŋe kaa ba be.

Jeremia 42:21

Taraken, n bol he be, kɛ he vɛh waa Korowii aa tom mɛ n ba bol he be la bwa.

Ɛsekeɛl 11:25

asɛ n bol wobɛlbwa Korowii aa kpɔa baɡ mɛ la chaɡle n bala la.

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

Ɛsekeɛl 20:27

Nemenɛ Korowii berɔ ŋɔ men Ɛsekeɛl be ŋɔ “Nɛwɛnyini bie, berɛ ŋɔ Israel tena be kɛŋɔ, anɔ ɡe taa ba naawa ɛɛ mɛ nɛnhɛlwa dɛ le n habɔɔ.

Ɛsekeɛl 33:7

Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Emɔs 3:13

No ɡɛ waa nɔ, ásɛ dɛ kah Jekɔb naanar.” Korowii Waa Ɛ Kpeɡri Bwa Dɔɔ laanee bola.

Kaala 6:29

o ŋɔ, “Menee Korowii. Bol wobɛlbwa maa bol he be baɡle Ijipt kooro la.”

Jeremia 6:28

Ba bwa ɛ deŋnekpeɡ ne bambikpeɡ tena, dɛ valɛ dɛɛ ɛ nyokpɛl ɡbo. Ba kpeɡri kɛŋɔ ayaawa ne buni ken, ba bɛlbwa we-ɛɛla aa were.

Jeremia 34:6

Belaa men Korowii keame Jeremia bol waa nɔ bwa Juda Kooro Sedekia be Jerusalam,

Jeremia 44:20

Belaa men Jeremia bol baala ne haahna baa chaŋ mɛ la ŋɔ,

Ɛsekeɛl 3:4

Ate, o berɔ ŋɔ n be ŋɔ, “Nɛwɛnyini bie, name la Israel tena be ka bol n waa maa kpɔa tɛɛ la baɡ ba.