Ɛsekeɛl 19:1 - mzwDBL

¹ Korowii ŋɔ men Ɛsekeɛl be ŋɔ, “Go suna dii yel nɔ tɛ Israel koranar banɛ

Ɛsekeɛl 19:1 Referans Kwoze

Ɛsekeɛl 27:2

“Nɛwɛnyini bie, taa wiile tɛ bwɛjen Taaya,

Ɛsekeɛl 26:17

Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.

2 Koranar 24:6

Kooro Jehoiakim sewɔ ka pu o naawa, asɛ o bibaa Jehoiachin ba chiɡ o naa ta, dɛ di kora.

Ɛsekeɛl 19:14

Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 2:10

dɛ paɡru n sie. Dɛ ba chwerɛ wiile, wii ne wenaale waa do o sie ne o habɔɔ.

2 Koranar 24:12

asɛ Juda harɛ Kooro Jehoiachin ne o nya ne o bonɔɔna ne o nomonome, dɛ nɛra baa lɔ koodem bwa sɛh, dɛ kpɔ ba te do Kooro Nebukadnesa lɔɡa. Kooro Nebukadnesa aa di kora bene anuatoro taa o ba lawɛ Juda Kooro Jehoiachin kaa bojaŋ Babelɔn harɛ ta.

2 Koranar 23:34

Ijipt Kooro Neko kpɔ Kooro Josia bibaa Eliakim chiɡ o mɛɛ naa ta, o di kora Juda harɛ. Kooro Neko charɛ Eliakim sɔn la dɛ pao Jehoiakim. Dɛ kpɔ Kooro Jehoahas kaa Ijipt harɛ ta, asɛ o ka sewɛ bela.

Ɛsekeɛl 32:18

“Nɛwɛnyini bie, wi tɛ Ijipt harɛ ta nɛndamanta bwa, kpɔ ba ka ja harɛre nɛra baa kpeɡa dɛ serewe kaa lalabwɛɛ la nɛ.

Ɛsekeɛl 32:16

A ɡɛ waa nɔɔ baa ba kpɔe dɛɛ wiu. Harɛre ta haahna bwaa dɛ́ taa ɡɛ wiile la tɛ Ijipt harɛ ne o nɛra bwa. Men Nemenɛ Korowiirii bola.”

Ɛsekeɛl 27:32

Baa wi dɛɛ tɛɛ la, baa taa wiilee tɛɛ ŋɔ, ‘Umee ya kpɔ bwɛjen Taaya maɡɔɔ? Mpo bɔle o ta o hel.’

Wiile 5:12

Ba vɔrɔwe ya sitɔɔla nɔɔra ŋwɛɛra ne dɛ ka saɡ ba, baa duure kpɔe dɛɛ tɛ banjeni.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Jeremia 24:8

Kɛ fiɡ nɔnchɔɡa baa wola won dia la te, men Korowii ŋɔ ɡɛɛ mɛɛ ba Juda Kooro Sedekia ne o nomonome, ne nɛra baa kaa dɛ do Jerusalam ɛɛ. Hale ba lɔ bonɔ harɛ nɔ ta, kɛɛ dɛ ka so Ijipt harɛ ta kwaraa noo.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 22:30

Waa Korowii aa dɛ bol laanee nɔ. ‘Chwerɛ baa nɔ waa do tɔne bini, dɛ́ kpɔɔ kɛŋɔ o ta bii dɔe, nɛn o wobɛlbwa aa wola werii do tɛo o soɡa bini bwa, waa naanaree dɔ, ba ba so Juda harɛ kara ta, Kooro Devid luɡe ta.’ ”

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

2 Webena 36:10

Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

2 Webena 36:6

Asɛ Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, dɛ lawɛ Kooro Jehoiakim dɛ doo ayaawa jɔɡrɔre, dɛ kpɔɔ kaa Babelɔn harɛ ta.

2 Webena 36:3

Ijipt Kooro Neko ir Kooro Jehoahas kora ta, asɛ dɛ ɛɡre Juda tena lɛ toɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne suuɡaswɛm a tɔɡre aa ɛ kilore fifraatoro dɛ anaarɛ.

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

Ɛsekeɛl 19:2

dɛ ŋɔ, ‘Na ɡɛ he nya aa do kɛŋɔ nyujente nee! O dɛɛ o bii nyujentena ambala aa do ɔma baah.

Ɛsekeɛl 28:12

“Nɛwɛnyini bie, taa Taaya kooro wiile, waa aa dɛ ba o nɛɛ bala la wa, dɛ́ ŋɔ men Nemenɛ Korowii ŋɔ, ‘Henee wera nɛra bwa bini ka tonɛ bá hweli, he dɔ wejema kohona dɛ do wer ka tonɛ.

Ɛsekeɛl 32:2

“Nɛwɛnyini bie, kpɔ wiile ŋɔ Ijipt kooro be ŋɔ, ‘He do kɛŋɔ nyujente harɛre ta nɛra baah ta, he do kɛŋɔ lɛŋɔ waa lɔ moo ta. He dɛ jo nenabɔɔne ta dɛ́ pora a chɔɡ.

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.