Ɛsekeɛl 18:8 - mzwDBL

⁸ Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 18:8 Referans Kwoze

Kaala 22:25

A hiah n nɛra baa ɛ he bini bane nɔ bɛlbwa he kemɔ suuɡa aa, he bɛ a nee kpɔ dawɛ kɛŋɔ nɛra baa dɛ kemɛ suuɡa yon dɛɛ ɛ la.

Sekaria 8:16

Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa, dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne,

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 18:17

Waa wechɔɡa ɛ, o kemɛ nɛn suuɡa aa, waa a nee lɛ. O dɛ teŋɛ me Mmarare bwa ta. O mɛɛ wechɔɡa la aa won ɡel o dɔ seo, wɛɛ dɔ o nyuu kɛrɛdɛ.

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Jeremia 15:10

Asɛ men Jeremia ŋɔ, “Akwe, n nya, n na waa kɛ haa lol mɛ, harɛ nɔ nɛra bwa hah mɛ dɛɛ yoo mɛ. N ta bɛl kon kemɛ kɛɛ dɛ kemɛ le bɛl be, kɛ nɛra bwa ɡarɔ dɛɛ taah mɛ.”

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

2 Samoɛl 22:24

O jemɔ kɛ wechɔɡe bɛlbwa toole n nɛ, n laa n te kpɔ wechɔɡa ta.

Lewi Dea Tena 19:35

He bɛ nɛra dɛɛ faah kwaa maɡa ta.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Mmarare 23:21

Dɛ he baɡɛ Korowii haa dɛ tomɔ nɔ nyoa aa, chuɡra warane ásɛ a bɛ wechɔɡa ba berɛ tɛɛ. A ɛ wobɛlbwa Korowii haa dɛ tomɔ nɔ ɛɛ lɛo le he be.

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”