Ɛsekeɛl 18:5 - mzwDBL

⁵ Dɛ nomɛl we-ɛɛla toɡrɔ wɛɛ ɛ waa aa dɔ kasinteŋ o waa do wer,

Ɛsekeɛl 18:5 Referans Kwoze

Ɛsekeɛl 33:14

N ŋɔ wechɔɡ-ɛɛ be ŋɔ wɛɛ sewɔɔ, asɛ o le o wechɔɡa la ta dɛɛ ɛ anɔ la aa wera dɛ toɡre,

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

1 Jɔn 2:29

He nao kɛŋɔ Korowii waa toɡrɔ, anomanta, nomɛlbwa waa dɛ ɛ wedɛɛɡa aa su Korowii siwi la ɛ Korowii bie.

1 Jɔn 2:3

Ya teŋɛ o waa ta naa, anee dɛɛ ba yaa baɡla kɛ ya jemɔ.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Ɛsekeɛl 18:6

waa kwaa Israel tena aa kpoora dɛɛ tɛ ba voɡa bwejena dor la di, waa ba voɡa ɡe tomɛ, kɛɛ waa o dɔŋ haah lawɛ dɛɛ chɔ, waa haah waa le dahara nyin,

Jeremia 7:5

Hé charɛ he liire dɛ́ ɡel ɡɛ haa dɛ ɛ la. Hé ɡel he waa dɔ kasinteŋ tɛ dɔŋa.