Ɛsekeɛl 17:16 - mzwDBL

¹⁶ Men Nemenɛ Korowii taa lole nɔ, n ŋwɛɛrɔ kɛŋɔ, Babelɔn belaa Jerusalam kooro Babelɔn kooro aa cheɡo kora ta la ɛɛ ba sewa. O ta ŋwɛɛra waa ŋwɛɛra la ne fɔo baa fɔwa la ta teŋɛ.

Ɛsekeɛl 17:16 Referans Kwoze

Ɛsekeɛl 12:13

Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela.

Jeremia 52:11

dɛ foromi Kooro Sedekia sibie dɛ doo ayaawa jɔɡrɔre dɛ kpɔɔ kaa Babelɔn harɛ ta ka doo dea ka tel o serewe wee.

Ɛsekeɛl 17:13

O lawɛ koodem nɛra la bɛl o ne o fɔwɛ fɔo, asɛ Babelɔn kooro ŋwɛɛ baɡlo, dɛ berɛ lawɛ nomonome baa chɔ harɛ la nyoa ɡe ja kaa,

Ɛsekeɛl 16:59

Nemenɛ Korowii berɔ ŋɔ, “Gɛ bwa aa chɛ kɛ n kpɔ ɛɛ laanee mɛɛ ba kpɔe ɛɛ, dɛkalkɛ he vɛh nyoa haa baɡ mɛ, dɛ chɔɡ n ne he fɔo la.

Jeremia 39:7

dɛ foromi Kooro Sedekia sibie dɛ doo ayaawa jɔɡrɔre, dɛ kpɔɔ kaa Babelɔn harɛ ta.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

2 Koranar 24:17

Babelɔn Kooro Nebukadnesa cheɡ Kooro Jehoiachin mɛɛ nime baa dɛ yerɔ Matania kooro, o so Kooro Jehoiachin buɡ ta, dɛ ɛ Juda harɛ kooro. Dɛ beɡre Matania sɔn Sedekia.

2 Samoɛl 21:2

Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

Josua 9:20

A chɛ kɛŋɔ yá ɡel ba dɔ ba nyu ntam la wa, ásɛ Korowii baah bɛ ya nɛɛ ba di kɛŋɔ ya to ntam yaa ŋwɛɛra baɡ ba la.”

Nɛra Kura 30:2

“Dɛ nomɛlbwa baɡɛ Korowii nyoa kɛɛ dɛ ŋwɛɛ ntam waane ta naa, o bɛ ɡel a chɔ. Ó ɛ wobɛlbwa waa ŋɔa wɛɛ ɛo la.

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Kaala 8:2

Dɛ o ta sɛɛh dɛ ɡel ba kaa laa, mɛɛ ɡeloo sapone ba su harɛ nɔ bwa ta.

2 Timoti 3:3

Ba chal aa dɔŋa nɛɛ doe ba, baa wechɔɡaa kpɔ dɛɛ kɛ dɔŋa. Baa dɛɛ haŋɛ dɔŋa nyooree, baa haŋraa dɔ ba pɛla kwaa ta, baa dɛɛ ɛ ɡaeeh, baa hah wedɛɛɡaa.

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

Tɔn Pɔɔl Aa Chwerɛ Rom Tena 1:31

Ba nya nfɛrɛ, ba waa ta kasinteŋ dɔe, ba chal toole dɔŋa nɛ, ba tea aa nɛn nɛɛ domɛ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Ɛsekeɛl 17:10

Hale ba fuɡru ka chɔɔ bofale aa, wɛɛ won kpeɡ dɛ́ do wer ja aa? Dɛ wee leebɔr peuwɔb tao waa, wɛɛ sewɔɔ dɛ den hol che harɛ la ta bela.’ ”

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Jeremia 34:21

Mɛɛ lawɛ Juda Kooro Sedekia ne o nomonomee tɛ ba dɔma baa dɛ nyin ba dɛ́ kpoo laanee, dɛ Babelɔn kooro laa tena baa ŋɔa ŋɔ baa heya ba yo kpa la.

Ɛsekeɛl 21:23

Jerusalam tena noɔ waa baa yarada, fɔo ba ne kooro la aa fɔwa la wa. Kɛ aa ɡeloo ba lii ba wechɔɡa baa ɛa, ásɛ ba laɡ ba laa ta.