Ɛsekeɛl 14:6 - mzwDBL

⁶ Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 14:6 Referans Kwoze

Ɛsekeɛl 18:30

Anomanta, he Israel tena, mɛɛ bol he waa beŋkpoŋa beŋkpoŋaa ɡɛ haa ɛa. Hé charɛ he liire le he wechɔɡa bwa ta, dɛ bɛ naa a ta lɔ. Men Nemenɛ Korowiirii bola.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Ɛsekeɛl 14:4

Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ.

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

2 Webena 29:6

Ya naawa waa ta kasinteŋ dɔe tɛ Korowii yaa dɛ tomɔ. Ba ɛ wechɔɡa dɛ jo o nɛɛ dɛ vɛoh, dɛ berɛ habɔɔ kpoo bela waa lole.

Ɛsekeɛl 8:6

Korowii ŋɔ n be ŋɔ, “Nɛwɛnyini bie, he na waa maa kia Israel tena ɛa bonɔ kenɛ? Waa aa doŋ mɛ le n Dea kaa bojaŋee ba ɛ la. Hɛɛ na anɔ la maa kia kohonaa á ɡwaa anɔ kwara.”

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.