Ɛsekeɛl 14:5 - mzwDBL

⁵ Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’

Ɛsekeɛl 14:5 Referans Kwoze

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Hibru 3:12

Anomanta, yabala, hɛ́ɛ nyiŋi kɛrɛdɛ ásɛ he bini bɛlbwa bɛ liichɔɡa ba dɔ kɛŋɔ waa Korowii waa lole saŋ bɛlbwa laanee yarada, dɛ́ ba vɛh o waa ta teŋa.

Kolosi 1:21

He fa aa Korowii jemɛ dɛ ɛ o dɔma, dɛkalkɛŋɔ he fa dɛ lii liichɔɡa, dɛɛ ɛ wechɔɡa.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Galaasia 6:7

He bɛ he te dɛɛ neɡre. Haa jemɛ kɛ baa Korowii neɡre kɛɛ? Kwaa nɛn aa dua la, anee wɛɛ komɛ.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

Tɔn Pɔɔl Aa Chwerɛ Rom Tena 1:30

Baa dɔŋa wedɛɛɡa bol, ba hah Korowii, ba siwi aa nɛn tɔɡɛ, ba jenu, ba mbarafo. Saŋ bɛlbwaa baa nyin ŋwɛnɛfala dɛ́ ɛ wechɔɡa. Ba siwi aa ba mɛɛnanar ne ba nyare su.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Hosia 10:2

Nyosone ɡboo su ba bwa a chɛ kɛ bá di bolchɔɡe a wa. Korowii ɛɛ paɡre ba saraha kwaa, dɛ́ chɔɡ bwea baa paaɡa dɛɛ duura laanee.

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”