Ɛsekeɛl 14:3 - mzwDBL

³ “Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 14:3 Referans Kwoze

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Ɛsekeɛl 20:16

dɛkalkɛŋɔ, ba vɛh me Mmarare, ba ta n waa ta teŋɛ, dɛ chɔɡ Ona Tɔpera la. Ba liire bwa lɔ ba voɡare ta.

Ɛsekeɛl 20:3

“Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Ɛsekeɛl 14:4

Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ.

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Ɛsekeɛl 20:31

Ba le fini, he ta lawɛ he bii kaa ɛ sarahare voɡa la ta baa fuuh ba, dɛ kpɔ doŋa dɛɛ kah he te. He ta teŋɔ dɛɛ nyin waa dɛ́ no le n be. N ŋwɛɛrɔ kɛŋɔ Men Nemenɛ Korowii taa lole nɔ, maa ɡel he pɛɛ wobɛlbwa le n be.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 11:21

Kɛ banɔ la ba bambili taa lɔ kondoŋa ne voɡa maa kia ta la te, mɛɛ tɛr ba deŋne a waa. Men Nemenɛ Korowiirii bola.”

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Amanesoma Luk Aa Chwera Tɔn 20:8

Asɛ Yeesu ŋɔ, “N ɡe aa kpeɡri maa dɔa dɛ kpɔ dɛɛ ɛ waa nɔ leebɔree baɡle he be.”

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Ɛsekeɛl 3:20

Dɛ nɛn o wa aa toɡra la le o wetoɡra ta dɛ ɛ wechɔɡa aa, mɛɛ kpɔ kon waa dɛ ba ɡela o lɔ naa bil o sie. Haa wola on kaeh nomanta, wɛɛ sewɛ o wechɔɡa taa. Maa waa waa ɛa a toɡre laanee lii, mɛɛ pɛɛre o seo waa.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Aesaya 33:15

Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Yela 101:3

dɛ́ laa n te kpɔ wechɔɡa ta. N hah nɛra baa berɛ habɔɔ kpo hen Korowii la we-ɛɛla, n ne ba toole wobɛlbwa bini.

Yela 66:18

Dɛ n vɛh n wechɔɡa bola aa, Korowii fe ta n be noɛ.

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

Ɛsekeɛl 14:2

Belaa Korowii bol waa n be ŋɔ,

Ɛsekeɛl 33:30

Kɛ hen Nɛwɛnyini bie, he nɛra la lawɛ dɔŋa pɛl bwɛjen la danjwɛɛ ne ba doonyoo dɛɛ bol he waa ŋɔ, ‘Hé ba yá ka no waa aa le Korowii be.’

Hosia 4:5

Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.

Jeremia 21:2

“Bɔɔ le Korowii be tɛ yaa, dɛkalkɛ Babelɔn Kooro Nebukadnesa dɛ ba ba yo yaa. Korowii ken ɛɛ ɛ nyokpo waanee tɛ yaa kɛ saŋ la, ásɛ o berɛ habɔɔ kaa.”