Ɛsekeɛl 12:23 - mzwDBL

²³ Ŋɔ Nemenɛ Korowii bol a waa ŋɔ o dɛ ba ɡela sɛɡla la ba a jaɡa, baa ɡɛ waa laanee bol Israel harɛ ta kpa. Gel ba no kɛŋɔ waa baa naa wepila ta la bɛlbwa telo tonɛ.

Ɛsekeɛl 12:23 Referans Kwoze

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Matiu 24:34

Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe.

Ɛsekeɛl 18:3

Nemenɛ Korowii ŋɔ, “N ŋwɛɛrɔ kɛŋɔ n taa lole nɔ, haa ɡɛ sɛɡla nɔɔ sɛɡle Israel harɛ ta kpa.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Aesaya 28:22

He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Ɛsekeɛl 12:25

Men Korowii te, n bol wa aa, aa biɡri dɛ́ ba. Saŋ he deŋnekpeɡ tena nɔ aa lole nɔ taa mɛɛ bola dɛ́ ɛa. Men Nemenɛ Korowiirii bola.”

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

Ɛsekeɛl 16:44

Korowii ŋɔ, “Nɛra ɛɛ kpɔ ɡɛ sɛɡlaa dɛɛ bol he waa ŋɔ, ‘Jerusalam, ɡɛ nya aa doa la, ɡɛɛ o bihaah ɡe do.’