Ɛsekeɛl 12:18 - mzwDBL

¹⁸ “Nɛwɛnyini bie, kpɔ bochela di kondikwa, dɛ́ nyɔ nee ɔmee ne sibeɡra ne.

Ɛsekeɛl 12:18 Referans Kwoze

Wiile 5:9

Nɛŋkpoa aa lɔ kpɔɡ bini nomanta, ya dɛ sɛh seo kwara dɛ le kaa nyin kondikwa.

Yela 80:5

He ɡelɔ suna do kɛŋɔ kondikwaa yaa di, siniire ɡe do kɛ nee yaa nyɔ.

Job Tɔn 3:24

Suna dii ber mɛ kondikwa, maa won ɡel pɛma bwa.

Mmarare 28:65

A ɡɛ harɛre nɛra la bini la, haa bosɔɔhnaa dɔ bobɛlbwa, haa onaa dɔ bobɛlbwa haa la. Wɛɛ ɡeloo he bambile chɔɡ, he sie che chiŋ he bwara yɔr.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Ɛsekeɛl 23:33

Hɛɛ dɛɛroo kohona dɛɛ di suna. Deŋnetɛra waa do ɔma dɛ chɔɡ he nahaah waa cheɡa tɛ Samaria laanee hɛɛ ba dɔe.

Ɛsekeɛl 12:17

Korowii berɔ ŋɔ men Ɛsekeɛl be ŋɔ,

Daneɛl 10:7

Men Daneɛl ɡboo na wepila la, dɛ baala bane ja n nɛ, ba te ta kon la nae, kɛ ɔmee laɡ ba kohona asɛ ba chwa ka sɔh.

Ɛsekeɛl 4:10

Maɡɛ he tɔpere bɛlbwa kondikwa a tɔɡre tel suuɡapoŋa fifraanɛ.