Ɛsekeɛl 12:15 - mzwDBL

¹⁵ Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii.

Ɛsekeɛl 12:15 Referans Kwoze

Ɛsekeɛl 6:7

Nɛra ɛɛ serewoo chɔ bobɛlbwa, ásɛ banɔ la baa ka la jemɛ kɛŋɔ onee Korowii.

Ɛsekeɛl 12:20

Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”

Ɛsekeɛl 12:16

Mɛɛ ɡel ba bini tama banee ba bɛ laa ne lɔr dɛ weechɔɡa nyoa ka, ásɛ dɛ ka lii waa maa kia ba ɛa la harɛre baa chwaa kaa a ta la ta. Ásɛ dɛ che a ta jemɛ kɛŋɔ menee Korowii.”

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Ɛsekeɛl 39:28

Belaa baa ba jema kɛŋɔ, menee Korowii baa dɛ tom mɛ la. A lole kɛŋɔ n doŋ ba kaa bojaŋ harɛfala ta te, kɛ mɛɛ boa ba nyoaa, dɛ́ ba ba ne ba ɡbaɡba harɛ ta, maa bɛlbwa habɔɔ ta.

Ɛsekeɛl 33:33

He waa nɔ bwa ɛɛ ɛo, aa bao kpela ɡe. Ásɛ ba jemɛ kɛŋɔ Korowii keame bɛl fa lɔ ba bini.”

Ɛsekeɛl 28:26

Baa so deŋnesɔɔhna taa, dɛ́ do deene, dɛ́ parɛ daa kooni. Mɛɛ tɛr nɛra baa ɛɛ ba hɔhɔrɔwa la deŋnee, ásɛ Israel tena dɔ ba te. Ásɛ ba jemɛ kɛŋɔ menee Korowii baa dɛ tom mɛ la.”

Ɛsekeɛl 26:6

Baa kpoo nɛra baa soɡe bwɛɛre aa lɔ harɛ la ta keri nee, ásɛ Taaya tena jemɛ kɛŋɔ menee Korowii.”

Ɛsekeɛl 25:11

Mɛɛ tɛr Moab tena deŋnee, ásɛ ba jemɛ kɛŋɔ menee Korowii.”

Ɛsekeɛl 24:27

Awola tɔpere la, mɛɛ ɡeloo he berɛ won waa bola, ásɛ he ne naate bol wa. Gɛɛ aa ba ɛɛ ba nyiŋi dɛ́ kpɔ hweli waa dɛ́ jemɛ kɛŋɔ menee Korowii.”

Ɛsekeɛl 14:18

hale dɛ baala batoro la lɔ o ta kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa won lɛ ba bibaala kɛɛ bihaahna nyu. Ba ɡbosoroo dɛ́ dɔ ba nyu.

Ɛsekeɛl 11:10

He ɡbaɡba harɛ taa baa ba heyaa kpoora laa ta, ásɛ nomɛlbwa jemɛ kɛŋɔ menee Korowii.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 49:32

Baa lawɛ ba nyoɡmare ne kondɛɛra aa wara kɛŋɔ laa ta kwaa kaa. Mɛɛ lɔ nɛra baa lɔ bojaŋa laanee peɡre, dɛ́ kpɔ wenaale ba ta ba nɛɛ le harɛ nɔ ta bobɛlbwa.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”