Ɛsekeɛl 11:6 - mzwDBL

⁶ He kpoo nɛra bwɛjen nɔ ta warɛ ɡa, ba lala perɛ fɔɡbaahna bobɛlbwa.

Ɛsekeɛl 11:6 Referans Kwoze

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Maeka 3:10

Nɛŋkpoa ne kasinteŋ bɛ dɔe taa he che dɛɛ ma Korowii bwɛjen Jerusalam.

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Jeremia 2:34

Nyaara baa wola wechɔɡa bɛlbwa ɛɛ he kpoo ba la chal ka he laala ta nɛra ɛɛ naa, a lole kɛŋɔ he ta ban lawɛ kɛŋɔ ŋwɛɛra ba jo he be. Kɛ ane a bwa,

Jeremia 2:30

Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.