Ɛsekeɛl 11:17 - mzwDBL

¹⁷ Berɛ ŋɔ ba be ŋɔ, ‘Men Nemenɛ Korowii ɛɛ boa ba nyoa le harɛre maa lɔ ba peɡre a ta la taa, dɛ́ berɛ kpɔ Israel harɛ la tɛɛ ba ja.’

Ɛsekeɛl 11:17 Referans Kwoze

Ɛsekeɛl 28:25

Nemenɛ Korowii ŋɔ, “N baa boa Israel tena maa lɔ ba peɡre harɛre ta bwa nyoa tonaa, harɛre nɛra bwa ɛɛ jemɔɔ kɛŋɔ n do ɡoroŋ. Israel tena ɛɛ so ba ɡbaɡba harɛ maa kpɔa tɛ n bonɔɔ Jekɔb la taa.

Ɛsekeɛl 34:13

Mɛɛ lawaa le harɛre aa kaa a ta la taa, dɛ́ boa a nyoa. Mɛɛ le a ne harɛfala taa dɛ́ kpɔa ba a ɡbaɡba harɛ ta. Israel bwejena dor ne neerare nyoo aa sɔnaa dɛɛ ba a dibɔra ɛɛ.

Jeremia 3:18

A ɡɛ saŋ la, Juda tena ɛɛ ba ja Israel tena nɛɛ, bá bwa le bojaŋ harɛ baa laɡ ba laa ta kaa weekaŋle nyunduabɔr ta, bá kaa harɛ maa kpɔa tɛ he naawa la ta, ó ɛ he kon.”

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Jeremia 24:5

“Kenii men Korowii Israel tena aa dɛ tom mɛ la ŋɔ, ‘Fiɡ nɔndɛɛɡa la do kɛŋɔ, Juda tena maa ɡela ba laɡ ba laa ta kaa bojaŋ harɛ Babelɔn.

Ɛsekeɛl 20:41

Mɛɛ lɛ heyaa kɛŋɔ daawiile a sɔɔh aa soma he yon kpɔ ɛ saraha dɛɛ tɛ mɛ la, mɛɛ boa he nyoa le harɛre haa peɡra kaa a ta la, ásɛ harɛre nɛra na kɛŋɔ n do ɡoroŋ.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Yela 107:3

dɛ lawɛ heyaa le harɛfala ta ba le wee leebɔr, dɛ́ ba kaa wee cholibɔr ne weekaŋle nyundua, dɛ́ ba kaa weekaŋle harɛbɔr.

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Ɛsekeɛl 20:42

Maa ba he ne Israel harɛ ta la, anee hɛɛ ba jema kɛŋɔ menee Korowii haa dɛ tom mɛ la, harɛ maa ir nɔn dɛ ŋwɛɛ ŋɔ mɛɛ kpɔɔ tɛ he naawa la.

Ɛsekeɛl 34:11

Men Nemenɛ Korowii ɡbaɡba ɛɛ nyin n peera bɔree, ásɛ dɛ nyiŋi a nɛ.

Mmarare 30:3

ate Korowii haa dɛ tomɔ la ɛɛ dɔ tedomaa tɛ heya, dɛ le he ne harɛre waa lɔ heyaa peɡre a ta la ta, ásɛ he ba pɛ, dɛ́ berɛ ɡel he do wer.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Ɛsekeɛl 20:34

dɛ́ lawɛ heyaa le harɛre haa peɡra dɛ ka so a ta la ta, dɛ́ berɛ ba he ne.

Sekaria 8:7

Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee.