Ɛsekeɛl 11:13 - mzwDBL

¹³ N nyoa taa lɔ waa aa dɛ ba ba nɛɛ bala ta mɛɛ bol la, Bɛnaya bibaa Pɛlatea den chole sewɛ. Belaa n kpɔ sie pi harɛ, dɛ do lɔŋɔ lokua ne kohona ŋɔ, “Nemenɛ Korowii, amɔ he dɛ ba nɛra baa ka Israel harɛ bwa chɔɡa kwaraa kɛɛ?”

Ɛsekeɛl 11:13 Referans Kwoze

Ɛsekeɛl 11:1

Korowii Doma la ɡɔɔ men Ɛsekeɛl kaa nyundua, dɛ kpɔ mɛ ba Jerusalam Korowii Dea wee leebɔr doonyoa la ta. Belaa n na baala fifraanɛ dɛ banue, dɛ Asuur bibaa Jaasania, ne Bɛnaya bibaa Pɛlatea baa ɛ Israel harɛ nomonome ja ba nɛ.

Ɛsekeɛl 9:8

Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

We-ɛɛla 13:11

Dɛɛ no bonɔ. Korowii ɛɛ baɡle o kpeɡri he nɛɛ, ásɛ he nyoŋe, ásɛ a biɡri tama mɔɔ he berɛ won dɛɛ na bɔr.” Kerabeŋkpoŋ dɛ o sie ɛo jumaa kɛŋɔ kɔɔla ken, o den nyoŋe, dɛɛ laɡre bɔr dɛɛ nyin nɛn ó lawɔ da.

We-ɛɛla 5:10

Buɡ la ta, o ɡe den chole chɔ Pita sie bela, dɛ ɡe sewɛ. Bonɔɔna la aa bala dɛ o ɡe sewɔ, asɛ ba cheo le buse dɛ ka huɡo o jaa jwɛh.

Emɔs 7:5

Belaa n ŋɔ, “Nemenɛ Korowii, n dɛ soŋe, ɡel! Ɛrɛɛ he nɛra ɛɛ ba wona so nɔ? Ba nɔn ta kao!”

Emɔs 7:2

Tontombɛ la balɔ, dɛ ba chɔɡ konlwɛɛ te bɛlbwa harɛ la ta, asɛ n ŋɔ, “Nemenɛ Korowii, ɡel kɛ he nɛra! Ɛrɛɛ he nɛra ɛɛ ba wona so nɔ? Ba nɔn ta kao!”

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Ɛsekeɛl 37:7

Anomanta, n bol waa aa dɛ ba a nɛɛ bala ɡɛ Korowii aa do mɛ la. N nyoa ta aa lɔ wobol la ta la, asɛ kerabeŋkpoŋ n no ɡbɔɡa ane kohona, asɛ hoɡa la pa mun baa choŋri dɔŋa nɛ.

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

1 Koranar 13:4

Kooro Jɛroboam aa no waa Korowii keame la aa bola la, o cheɡɛ kon la bɔr dɛ tɛr o nɔn pa Korowii keame la nɛɛ dɛ ŋɔ, “Hé lawɔ.” Buɡ la ta, nɔn waa tɛra pa Korowii keame la nɛɛ la ka ɡɛ, o ta wone ba o ne harɛ kpa.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Ɛsekeɛl 7:2

“Nɛwɛnyini bie, Israel tena harɛ la dɛ ba chɔɡa. O bwa ɛɛ chɔɡo kwaraa.

Ɛsekeɛl 11:14

Korowii berɔ bol waa n be ŋɔ,

Ɛsekeɛl 20:17

N na ba sum, n ta ban chɔɡɛ kɛɛ dɛ kpoo ba pua hɛŋle ɡbo harɛ ta bela.