Ɛsekeɛl 10:9 - mzwDBL

⁹ Men Ɛsekeɛl berɔ nyiŋi dɛ na saaker nakpale anaarɛ. Beŋkpoŋ bɛlbwa cheɡɛ Kerobim la jwɛh, dɛɛ nyɛɡle kɛŋɔ bwedɛɛɡa ane baa dɛ yera kresolet ken.

Ɛsekeɛl 10:9 Referans Kwoze

Wepila 21:20

Onɔ la waa teŋa nue la sɔne onis, numɛlte la sɔne kanɛɛleɔn, nuanɛte la ɡe sɔne kwats, nuatorote la ɡe bɛrel, nuanaarɛ topas, asɛ onɔ la waa teŋa fi la sɔne chalsedone, fi dɛ beŋkpoŋ te la ɡe sɔne tɛɛkoes, asɛ fi dɛ anɛ te la ɡe sɔne ametes.

Daneɛl 10:6

O bwara do kɛŋɔ bwedɛɛɡa ane aa dɛ nyɛɡle baa yera kresolɛt, o siebɔr do kɛŋɔ bwaala aa dɛ nyɛɡle ken, o sibie do kɛŋɔ kapɛle aa dɛ hɔ, o nɔɔra ne nakpale do kɛŋɔ ayaawa baa looru ken, asɛ o taa do kɛŋɔ nɛnlaa aa bol waa dɛɛ nyɛɡ ken.

Ɛsekeɛl 10:8

Kerobim la bɛlbwa kena lɔɡre la, kwaane do kɛŋɔ nɛn nɔɔra ken.

Ɛsekeɛl 10:10

He nyiŋi saaker nakpale la aa, anaarɛ la bwa le dɔŋa. A do kɛŋɔ bɛlbwa berɔ su o dɔŋ ta ken.

1 Koranar 7:30

Kwaa aa do kɛŋɔ torɔɡo la bɛlbwa dɔ nakpale anaarɛ baa kpɔ ayaawa ɛa, asɛ ba won a taɡa. Ayaawa la ane ɡee ba kpɔ kwaa kon a nakpale suuɡi a ta. Kwaa la bɛlbwa dɔ komɛl kɛŋɔ loɡ ken o chɔŋɛ o ta, asɛ dɛ dɔ kwaa anaarɛ loɡ la ɡe aa chɔŋɛ a ta.