Ɛsekeɛl 10:1 - mzwDBL

¹ Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 10:1 Referans Kwoze

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Wepila 1:13

dɛ na komɛl kɛŋɔ nɛn ken, o do batakaarejaŋ o tel o napaala ta, dɛ vɔwɛ suuɡaswɛm kiriso o bambile ta, dɛ do suuɡaswɛm kandea daa la baah ta.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Ɛfesos 1:20

O ir Yeesu Kristo seo ta, dɛ kpɔɔ kaa o be ka so nomombɔr o be nyundua bela,

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Habakuk 2:1

Mɛɛ iruu che n jɛŋla doa, dɛ́ nyiŋi dɛ́ no waa Korowii aa dɛ ba n be bola. Dɛ o chaŋ mɛ naa, ń na ɡɛ maa dɛ ba o be bola.

Ɛsekeɛl 11:22

Kerobim la paɡri a kena dɛ ir, asɛ saaker nakpale la ja a nɛ, asɛ Korowii Israel tena aa dɛ tomɔ la jirima chaah kohona dɛ tɔ a nɛ.

Ɛsekeɛl 10:20

A ɡɛ hweera kwaa nɔɔ n fa na Korowii Israel tena aa dɛ tomɔ jirima tɔ a nɛɛ Keba Moo la bɔr la. Anee ɡela n jemɛ kɛŋɔ a ɛ Kerobim.

Jeremia 13:8

Belaa Korowii bol waa n be ja ŋɔ,

Jeremia 13:6

A habɔɔ la, Korowii berɔ bol waa n be ja ŋɔ, “La Yufretis Moo ta ka kpɔ kiriso maa ɡela he kpɔ ka sɔh la ba.”

Yela 18:10

Kerobim taa o so dɛɛ ɡah, peu kena taa o kpɔ ba.

Josua 6:2

Korowii ŋɔ Josua be ŋɔ, “N kpɔ bwɛjen Jeriko ne o kooro ne o laa tena bwa do he nɔn ta.

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Mumpar 32:24

asɛ dɛ ɡbo ka baŋ bela. Belaa baa bɛl ba jwiiru, ba kpoŋe dɔŋa bini awola jwaana la ne, dɛ ka tel kɛŋɔ aa baa ka tama ásɛ bɔr chaah.

Mumpar 18:31

Abraham berɛ ŋɔ, “N dɛ soŋe, n Dɔɔ, nɛnhɛla laa mɛɛ ɛɛ, kɛŋɔ maa su baah dɛ ta teŋɛ dɛɛ bol waa he be nɔ. Dɛ nɛra fifraanɛ ɡbo ɡee sɛ?” O ŋɔ, “Dɛ n dɔ nɛra fifraanɛ naa, maa bwɛɛ la chɔɡa ba.”

Mumpar 18:22

Belaa baala banɛ la pe do dɛɛ kaa Sodom, asɛ Abraham ta che Korowii sie bela.

Mumpar 18:17

Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ?

Mumpar 18:2

Abraham ha sie nyiŋi dɛ baala batoro banee ka cheɡa. Waa na ba la, o den ɛ warane dɛɛ chem ba, dɛ ɡuŋ ba harɛ dɛ kpɔ sie pi harɛ,

Mumpar 3:24

Waa doŋi baa la le bela habɔɔ la, o kpɔ Kerobim ne tokobii bɛl waa dɛ nyɛɡle kɛ ninlao dɛɛ beɡre bobɛlbwa, dɛ ka cheɡ Eden bodɛɛɡe wee leebɔr pera, ásɛ nomɛlbwa bɛ won di daa la nɔna.

Ɛsekeɛl 9:11

Belaa baa la waa tɔ yapoŋ asɛ kwaa baa dɛ chwerɛ ane do o be la berɛ la ka ŋɔ Korowii be ŋɔ, “N kaa ɛ waa haa do mɛ a ta la tonɛ.”

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.