Ɛsta 9:27 - mzwDBL

²⁷ Juu tena la lɛo dawɛ ba nɛɛ kɛŋɔ, ba ne ba naanar ɛɛ nyiŋi kɛrɛdɛɛ, dɛɛ di ɡɛ tɔpera anɛ la bena bɛlbwa. Hale banɔ la baa wola Juu tena ɛɛ, dɛ kpɔ ba te ba ja ba nɛɛ la bwa jao. Asɛ baa dia ɡɛ Mɔdekae aa do ba, ne saŋ waa lea cheɡ tɛɛ ba la.

Ɛsta 9:27 Referans Kwoze

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Aesaya 56:6

Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Aesaya 56:3

Dɛ nɛŋhɔɔh kpɔ o te ja Korowii nɛra nɛɛ aa, o bɛ ŋɔ, “Korowii aa men lɛ ja o nɛra baa dɛ tomɔ nɛ.” Nomɛlbwa baa fɔɡɛ o lur ɡe bɛ ŋɔ, “N te heo.”

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Ɛsta 9:21

O ŋɔ bá kpɔ Adar korobie tɔpera fi dɛ anaarɛ ne fi dɛ anue wee la ɛ tɔpejena dɛɛ dia bena bɛlbwa,

1 Samoɛl 30:25

Devid ɛ ɡɛ waa nɔ mmara dɛ tɛ Israel tena, a ta do le ba le fini.

Josua 9:15

Asɛ Josua ne Gebeɔn tena la fɔwɛ darame fɔo kɛŋɔ waa ban kpoo, asɛ Israel nomonome la ɡe ŋwɛɛ ntam dawɛ waa la ta.

Mmarare 5:3

O ne ya naawa ɡbo laa fɔwɛ ɡɛ fɔo nɔ. O ne banɔ la baa lole ɡɛ saŋ dɛ́ kpoŋe ba le ya banɔ la yaa lole fini nɔ bwa nɛ.

Ɛsta 9:20

Mɔdekae chwerɛ waa aa chiɡa la bwa bil. O berɔ chwerɛ tɔne ka tɛ Juu tena baa soɡe Kooro Sɛksɛs harɛre bojaŋa ne bela aa bɛno bwa ta.

Ɛsta 9:28

Ba ɛa a chɔ kɛŋɔ, Juu tena ne ba naanar baa lɔ harɛre ne bwɛɛ bɛlbwa ta, Kooro Sɛksɛs aa di kora a ta la ɛɛ di ɡɛ tɔpera anɛ nɔ saŋ bɛlbwa dɛɛ la. A chɛ kɛ bá bwa won dɛɛ di a ɡɛ Purim tɔpera nɔ bɛlbwa.

Nɛra Kura 15:15

Wesiwi beŋkpoŋii chɛ kɛ á chɔ le tɛ Israel tena ne hɔɔhra bwa. Gɛ waa nɔ chɔ le saŋ te bɛlbwa, dɛ tɛ he naanar baa ka ba bwa. He ne hɔɔhra la bwa ɛ nɛmbeŋkpoŋ men Korowii sie.

Sitɔɔla 11:40

Benanyoa bɛlbwaa toli yon le kaa tɔpera anaarɛ dɛ́ kpɔ dɛɛ lii Gelead te Jɛfta bihaah la wa.

Yela 78:7

Anee dɛ́ ɡel ba kpɔ ba hwɛɡa dawɛ Korowii nɛ, dɛ bɛ waa waa ɛa la soh, dɛ́ na dɛɛ teŋɛ o Mmarare la ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Ɛsekeɛl 16:61

He baa lii waa he fa aa lɔ a ta la aa, sihiih ɛɛ kpoe. Maa kpɔ he nimanar ne he nahaahnanar ba tɛɛ bá do kɛ bihaahna tɛɛ la, ate ta fɔo n ne haa fɔwa la ta jae.