Ɛsta 8:1 - mzwDBL

¹ Awola tenten baa saɡɛ Heeman la, Kooro Sɛksɛs kpɔ Heeman waa ɛ Juu tena dɔm la dem ne o kondɔɔh te bwa do o haah Ɛsta nɔn ta. Dɛ Ɛsta fa ŋɔ o be ŋɔ Mɔdekae ɛ o lole tenten. Anomanta, le ɡɛ saŋ, Mɔdekae dɔ ŋwɛnɛ kɛ ó jo koodem dɛɛ la kooro sie, saŋ bɛlbwa.

Ɛsta 8:1 Referans Kwoze

Ɛsta 2:7

Dɛ Mɔdekae mɛnjen bie bɛl sɔne Ɛsta. O sɔn bɛl ɡee Hadasa, Hibru tena wobol ta. O siebɔr ne o mar wer kɛrɛdɛ. Ɛsta nya ne o mɛɛ aa sewa la, Mɔdekae kpɔɔ berɛ o ɡbaɡba bie dɛɛ nyiŋu.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Ɛsta 2:15

Aa tela kɛ Mɔdekae mɛnjen Abihel bie Ɛsta waa kpɔɔ berɛ o ɡbaɡba bie la kooro be la, o ta laala ne komɛlbwa soŋɛ ka ja anɔ la Heɡai waa dɛ nyiŋi kooro haahna nɛɛ la aa ŋɔa ŋɔ a wer tɛo la. Nomɛlbwa ɡe waa na Ɛsta la, dɛ o dɛ nyin o wa.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Ɛsta 7:6

Anee Ɛsta chaŋo ŋɔ, “Nɛnchɔɡe Heeman nɔɔ ya dɔm waa do yaa ɡɛ wahala nɔ ta.” Belaa ɔmee chole Heeman nɛɛ kohona kooro ne o haah Ɛsta sie.

Sɛɡla 28:8

Nɛn waa dɛ kemɛ nɛra suuɡa, dɛ lɛ a nee kohona dɛ dɔ kondɔɔh la, o lɛa dɛɛ tɛ nɛn waa dɛ na nyaara sum.

Ɛsta 1:14

dɛ dɔ dibɔra kooloŋ ta bela. Banee, Kaasena ne Sɛta ne Admata, ne Taases ne Meres ne Maasena, dɛ Mɛmokan. Gɛ nomonjena banuanɛ nɔ le Pɛɛsea ne Midia harɛre ta, dɛ ɛ nomonjena ɡwaa nomonome baa lɔ o kora bini bwa.

Ɛsta 8:7

Belaa Kooro Sɛksɛs chaŋe o haah ne Juu te Mɔdekae ŋɔ, “Vɔrɔwa Heeman aa vɔrɔwa ŋɔ bá kpoo Juu tena bwa la nomanta, n kpɔ o kondɔɔh bwa tɛ Ɛsta, dɛ ɡel ba ka saɡɔ.