Ɛsta 6:6 - mzwDBL

⁶ Waa bala la, kooro bɔɔro ŋɔ, “Sɔn besoo ń tɛ nɛn n bambile aa lawɔ, o waa su n siwi ɔ?” Belaa Heeman lii o nyu bini ŋɔ, “Nomɛl lole kooro ɛɛ nyin kɛ ó duuru dɛ ɡwaa mɛ naa?”

Ɛsta 6:6 Referans Kwoze

Obadia 1:3

He mbarafo neɡre heya. He soɡe bɔɔne bini bwejena dor, dɛ yon ŋɔ, ‘Umee dɛ́ won ba n ne harɛ nɔ?’

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Yela 35:27

N Naa Korowii, ɡel banɔ la baa dɛ nyin n di boldɛɛɡe, ɛɛ do lɔŋɔre silɛɛ ne. Ásɛ baa bol ŋɔ, “Korowii kan ɡa, o sie lɛ o bonɔɔ wer waa doa ta.”

Ɛsta 6:11

Anomanta, Heeman lɛ koolaala la ne jaaɡɔ la kaa Mɔdekae be, dɛ ka kpɔ laala la doo, asɛ Mɔdekae teeh so jaaɡɔ la ta. Heeman kpɔɔ kpɔ bwɛɛ la fɔɡbaahna, o nyoa che chiŋ wɛɛ ŋɔ, “Hé na ɡɛ kooro aa ɛ nɛn o bambile aa lawɔ kɛ ó tɛo sɔn!”

Ɛsta 6:9

Ásɛ dɛ ɡel he nomonjena tenten la bɛl kpɔ koolaala la do naate, ó so jaaɡɔ la ta, ásɛ nomoa la tɔ o sie, dɛ́ kpɔɔ ɡaaɡe bwɛɛ nɔ fɔɡbaahna, dɛ́ kpɔ takpeɡ dɛɛ ŋɔ, ‘Kenii kooro ɛɛ tɛ ɡɛ nɛn nɔ sɔn.’ ”

Ɛsta 6:7

Anee Heeman chaŋe kooro ŋɔ, “N naa, dɛ he bambile lawɛ nɛn o waa aa su he siwi kɛ he tɛo sɔn aa, kenii chɛ kɛ he ɛ.

Ɛsta 5:11

Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Sɛɡla 30:13

Nɛra bane dɛ ɛ mbarafo, dɛɛ nyiŋi nɛra nyubaahna.

Ɛsta 6:5

Kooro bonɔɔna la chaŋe kooro ŋɔ, “N naa, Heeman lɔ bonɔ.” Asɛ kooro ŋɔ, “Hé yerɔ ba!”

Ɛsta 1:15

Ate, kooro ŋɔ o nomonome la be ŋɔ, “Vasti vɛh yera men Kooro Sɛksɛs aa tomɛ n bonɔɔna ŋɔ bá yerɔ ó ba la. Ɛrɛɛ mmara ɛɛ baɡle kɛ ń ɛo wɔ?”

Amanesoma Luk Aa Chwera Tɔn 14:9

Dɛ o balaa, naate waa yerɛ he bwa la ɛɛ ba ŋɔ he bee ŋɔ hé ir dɛ́ kpɔ nomombɔr la tɛ nomoa la. Belaa hɛɛ ba sihiih kpɔe dɛ́ ir ka so bechasobɔr nɛra la bwa habɔɔ.