Ɛsta 2:18 - mzwDBL

¹⁸ Kooro ɡelɔ ba ɛ kondikonjena a warɛ kohona tɛ Ɛsta waa ɛo o haah la. O yerɛ o nomonjena ne nɛra baa dɛ tomɔ la bwa, ba ba di kwaa dɛ lɛ ba sie. Dɛ ɛ awola tɔpere la ona tɔpere, dɛ kɛ nɛra kwaa kohona aa baɡle kan waa doa.

Ɛsta 2:18 Referans Kwoze

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

Amanesoma Luk Aa Chwera Tɔn 14:8

“Dɛ nomɛl baa yerɛ heyaa hanfale kondikwaa mun ŋɔ hé ba di kwaa aa, he bɛ nomonsobɔra ka pɛne dɛɛ so. Aa bao kɛ o ken ka yerɛ nomɛl o nomonome aa ɡwaale.

Matiu 22:2

dɛ ŋɔ, “Kenii Korowii Kora ɛɛ ba doe. Kooro bɛlee lawɛ hanfale tɛ o bie, dɛ ɡel ba ɛ o hanfale kondikwa.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Ɛsta 1:7

Kooro la ɡelɔ ba do sen tɛ nɛra suuɡaswɛm numoli bini ba nyɔ. Numoli la koɡrɔ, asɛ sen la warɛ kohona a baɡle kooro bonya waa dɔa tɛ nɛra la.

Nehemia 8:11

Asɛ Lewi dea tena larawe nɛra la bwara dɛ ŋɔ, “Hé hel jeiih ken, fini tɔpere nɔ do ɡoroŋ, he bɛ suna dɛɛ di.”

1 Samoɛl 25:8

Bɔɔ he bonɔɔna la, bá bol waa aa lole. Anomanta, nyiŋi n bonɔɔna kɛrɛdɛ tɔpejen dii saŋ nɔ ta. N dɛ soŋe, tɛ he bonɔɔna ne he bibaa Devid kon te bɛlbwa haa dɔa.’ ”

Mumpar 29:22

Anomanta, Laban daa hanfalkondikwa dɛ yerɛ bwɛɛ la tena bwa ba cheme dɛ lɛ ba sie.

Amanesoma Mak Aa Chwera Tɔn 6:21

Tɔpere aa tela kɛ kooro la di o lola tɔpere la, o ɛ kondikwaa dɛ yawɛ sene dɛ hɛlɛ, dɛ lɛ o koranar baa sawɔ ne Galilia nomonome bwa sie.