Ɛfesos 6:18 - mzwDBL

¹⁸ Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

Ɛfesos 6:18 Referans Kwoze

1 Tesalonika 5:17

dɛɛ soŋe Korowii saŋ bɛlbwa.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

1 Timoti 2:1

Anɔ la aa tɔ sie mɛɛ ja asɔre tena kɛŋɔ báa teŋɛ a ta laanee kɛ hɛ́ɛ soŋe Korowii dɛɛ tɛ nomɛlbwa. Hɛ́ɛ soŋo dɛɛ jaamo wobɛlbwa ta.

Tɔn Jud Aa Chwera 1:20

N dandɛɛɡa, hé te swɛɛ siwi dɛ́ɛ cha dɔŋa dɛ́ won che kiŋkiŋ, ásɛ he yarada haa dɔa Yeesu Kristo ŋwɛnɛɡoroŋ nɔ ta la do kan kohona. Hɛ́ɛ soŋe Korowii o Domadɛɛɡe la kpeɡri ne.

Amanesoma Mak Aa Chwera Tɔn 14:38

Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Matiu 26:41

Hɛ́ɛ nyiŋi kɛrɛdɛ dɛɛ soŋe Korowii, ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Daneɛl 9:20

N ta teŋɔ dɛɛ soŋe, dɛɛ bol n ne n nɛra Israel tena wechɔɡa wa, dɛ kpɔ bil Korowii maa dɛ tomɔ sie ŋɔ, ó berɛ kwaa o Dea waa do ɡoroŋ la cheɡ.

Ɛfesos 1:16

n ta ɛɛ jam Korowii he waa saŋ bɛlbwa, dɛ soŋo dɛɛ tɛ heya.

Yela 6:9

O no n suna wii, wɛɛ sɛh n bee.

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Amanesoma Mak Aa Chwera Tɔn 13:33

Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

We-ɛɛla 1:14

Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.

Amanesoma Luk Aa Chwera Tɔn 22:46

Anee o ŋɔ ba be ŋɔ, “Ɛrɛɛ he chɔɔɡe nɔɔ? Hé ir dɛ́ soŋe Korowii ásɛ Bɔnsam bɛ won neɡre heya.”

Yela 4:1

N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

2 Timoti 1:3

N dɛ jam Korowii maa dɛ tomɔ tepoŋ ne ɡɛ tenten n naawa fa aa dɛ tomɔ la he wa. N Korowii soŋa ta bwaa mɛɛ jaamo he waa chɔɔ ne jwaana.

Felepae 1:4

dɛ́ yon kpɔ silɛɛ dɛ́ soŋo dɛɛ tɛ he bwa,

1 Koranar 8:52

N Naa Korowii, no he bonɔɔna yaa ɛ he nɛra Israel tena wesoŋa. Dɛɛ no ya wesoŋa saŋ bɛlbwa yaa wi dɛɛ noe.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

1 Koranar 8:54

Kooro Solomɔn aa ir nɔɔra nyundua dɛ soŋe Korowii tonɛ la, o iro ka che saraha kon la sie,

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

We-ɛɛla 12:5

Gɛɛ a do ba do Pita dea. Kɛ dɛ o bala asɔre tena la pɛpɛo dɛ soŋe Korowii dɛɛ tɛo tenten.

Hosia 12:4

Jekɔb ne nyundua torome su luɡe asɛ Jekɔb pɔ o nɛ, o wio dɛ soŋe nyundua torome la ŋɔ ó sweero andɛɛɡa. Korowii ba o be Bɛtel dɛ bol waa o be bela.

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

1 Koranar 8:59

Korowii yaa dɛ tomɛ, lii n waa maa dɛ soŋe nɔ saŋ bɛlbwa, ásɛ dɛɛ na he bonɔɔ ne n harɛ Israel tena bwa sum tɔpere bɛlbwa,

Faelemɔn 1:5

dɛkalkɛŋɔ n no he nyina haa dɛ nyin Korowii nɛra ba wa aa toɡra bwa, ne ɡɛ haa dɛ yarada ya Dɔɔ Yeesu la wa.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Job Tɔn 27:10

Ba sie ɛɛ dɛɛ lɛ Korowii Waa Ɛ Kpeɡri Bwa Dɔɔ nɛɛ yaa? Baa dɛɛ soŋe Korowii saŋ bɛlbwaa yaa?

Ɛsta 4:8

O kpɔ tɔn baa chwera, asɛ ba bol o bini waa Susa la bɛl tɛ Hatak ŋɔ, ó kpɔ ka tɛ Ɛsta dɛ́ baɡle o bini waa o be, ásɛ o la kooro be, dɛ́ ka soŋo ŋɔ ó na o ne o nɛra bwa sum.

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

We-ɛɛla 6:4

ásɛ ya te won dɔ bɔr dɛ́ kpɔ Korowii soŋa ne o Waa bola ɡbo ɛ ya toma.”

Ɛfesos 3:18

ásɛ he ne Korowii nɛra ba wa aa toɡra la bwa won jemɛ ɡɛ Yeesu Kristo nyina aa kana dɛ do luŋri, aa wola jaɡa dɔe bwa.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

Amanesoma Luk Aa Chwera Tɔn 3:37

Lamɛk ɡe mɛɛɛ Mɛtusala, Mɛtusala ɡe mɛɛɛ Enɔk, Enɔk ɡe mɛɛɛ Jarɛd, Jarɛd ɡe mɛɛɛ Mahalalel, asɛ Mahalalel la ɡe mɛɛɛ Keinan.

Kolosi 1:4

dɛkalkɛŋɔ ya noɔ kɛŋɔ he dɛ yarada Yeesu Kristo kɛrɛdɛ dɛ kpɔ he te tɛo, dɛɛ nyin Korowii nɛra ba wa aa toɡra bwa ɡe.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Amanesoma Luk Aa Chwera Tɔn 3:26

asɛ Naɡae la ɡe mɛɛɛ Mat Maat ɡe mɛɛɛ Matateas, Matateas ɡe mɛɛɛ Semein, Semein ɡe mɛɛɛ Josek, Josek ɡe mɛɛɛ Jɔda,

Kolosi 1:3

Ya dɛ jam ya Dɔɔ Yeesu Kristo Mɛɛ Korowii he waa ya wesoŋa bini saŋ bɛlbwa,

1 Samoɛl 1:12

Hana teŋɔ soŋe Korowii la sie taeh, asɛ sɔfo Eli ɛɛ nyiŋi a bwa.

Matiu 17:21

A ɡɛ kwaa nɔ konsoo la, nyoa vɔwa ne Korowii soŋa ɡboo dɛɛ ba wona doŋa.”