Ɛfesos 6:15 - mzwDBL

¹⁵ dɛ́ kpɔ Amanesoma la aa dɛ baɡle nyopɛo dɔe la do he nakpale,

Ɛfesos 6:15 Referans Kwoze

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Yelsom 7:1

Koobie, toldɛɛɡe, na ɡɛ he nakpale ne naŋɡawa aa wera. He nakpale dɔ pɛla kɛŋɔ, bwedɛɛɡa a yoɡ aa kpeɡa. A do kɛŋɔ nɛra baa dɔ kwaa sɛɛh wejema aa ɛa.

Mmarare 33:25

Gel ba kpɔ bune kaɡre ba bwɛɛre doonyoo a do kpeɡri. Bɛ ɡel wechɔɡa bɛlbwa ba ba nɛ.’

Amanesoma Mak Aa Chwera Tɔn 6:9

He won naŋɡawa doe, kɛ he bɛ batakaani bele anɛnɛ kpɔ.”