Ɛfesos 5:24 - mzwDBL

²⁴ Anomanta, a chɛ kɛ haahna ɛɛ no ba jaranar waa wobɛlbwa ta kɛŋɔ asɔre tena aa dɛ no Yeesu Kristo waa la.

Ɛfesos 5:24 Referans Kwoze

Ɛfesos 5:33

Anomanta, he bɛlbwa takapɔ dɛ́ nyin o haah kɛŋɔ o ɡbaɡba, háah ɡe kpɔ duure dɛɛ tɛ o jaa.

Taetos 2:7

Henee chɛ kɛ he ɡel he we-ɛɛla do wer wobɛlbwa ta, ásɛ ba nyiŋi dɛɛ hweli. Dɛɛ baɡle waa kasinteŋ ne, dɛɛ swɛɛ siwi a ta.

Kolosi 3:20

Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Taetos 2:9

Gel nɛra baa lɔ bane nɔn ta kɛŋɔ bonɔɔna kɛɛ toli la no kɛŋɔ báa no ba dɔɔranar wa. Bá ɡel ba wa ɛɛ lɛ ba sie wobɛlbwa ta, dɛ bɛ waa beɡre dɛɛ do ba nyoa,

Kolosi 3:22

Bonɔɔna ne toli ɡe, hɛ́ɛ no nɛra haa dɛ tom ba harɛ nɔ ta la waa saŋ bɛlbwa. He bɛ ba siebɔr na mɔɔ dɛ́ɛ tom ba dɛ́ɛ nyin baa kpɛɛ heya. Hé ta tea dɛ́ɛ tom ba ɔma haa dɛ ɔmɛ he Dɔɔ Yeesu Kristo nomanta.

Kaala 29:35

Hé ɛ wobɛlbwa maa do heyaa nɔ tɛ Arɔn ne o bibaala la, dɛ́ kpɔ tɔpera anuanɛ ɛ we-ɛɛla do ba sɔfore toma ta.

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Amanesoma Luk Aa Chwera Tɔn 10:17

Yeesu habɔteŋra fifraanuanɛ dɛ banɛ la la o toma la dɛ ba silɛɛ ne, asɛ ba ne o cheme. Ba ne waa chema la, ba ŋɔ o be ŋɔ, “Ya Dɔɔ, yaa kaa che he sɔn ta dɛ bol waa la, kwaa aa dɛ ir nɛra nɛɛ kwaraa ɔmɛ yaa.”

Ɛfesos 5:23

dɛkalkɛŋɔ baalee ɛ o haah nyu te, kɛŋɔ Yeesu Kristo aa ɛ asɔre tena bwa nyu te la. Banee ɛ o bwadabi wɛɛ lɛɛ ba.

Ɛfesos 5:25

Baala, hɛ́ɛ nyin he haahna kɛrɛdɛ kɛŋɔ ɡɛ Yeesu Kristo aa dɛ nyin asɔre tena dɛ koh ba waa sewɛ la.