Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!
Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.
Anee o ŋɔ, “Akai. A lole kɛ n dɛ di n ɡbaɡba danseɛ te, kɛ kasinteŋii mɛɛ bol, dɛkalkɛ n jemɛ bela maa lea ne bela maa dɛ kaa. Haa n leebɔr ne n kaabɔr jemɛ.
Kondikwaa aa le nyundua ba dɛɛ tɛ mkpa laanee nɔ, o ta do kɛŋɔ he naawa kondikwaa baa dɛ yera maana baa dia mkpa aa wola toole a ta ba serewe la. Nomɛlbwa waa di kondikwaa nɔ la ɛɛ dɔ mkpa aa wola jaɡa dɔe.”
Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”
Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.
Anomanta, le fini dɛɛ kaa, daa waa cheɡɛ bela nee aa lole kohona bɛlbwa aa kpeɡ dɛ́ ka tel baama ta kpa. A chɔ le kɛŋɔ a bwa serewe kɛŋɔ nɛwɛnyina, dɛ kaa lalabwɛ.’ ”
