Ɛfesos 4:16 - mzwDBL

¹⁶ Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Ɛfesos 4:16 Referans Kwoze

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

Ɛfesos 4:15

Korowii dɛ nyin kɛŋɔ ya lawɛ kasinteŋ la bini kɛrɛdɛ dɛɛ bola dɔŋa be nɛnnyin ne, ásɛ ya won kpeɡ kɛrɛdɛ dɛ́ do ɡɛ Yeesu Kristo aa doa. Onee ya nyu.

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

Felepae 1:9

N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

1 Tesalonika 3:12

Yá Dɔɔ Yeesu ja heyaa dɔŋa nyina kɛrɛdɛ, ásɛ hɛɛ nyin nomɛlbwa ɡɛ yaa dɛ nyin heyaa la.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

Tɔn Pɔɔl Aa Chwerɛ Rom Tena 12:4

Ya bwadabii ɛ kombeŋkpoŋ, dɛ dɔ nyu, ne nɔɔra, ne nakpale, dɛ amesoore bwa. A bwa ɡe ne a tomaree.

1 Kɔrent 10:17

Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.