Ɛfesos 3:2 - mzwDBL

² He ken no ɡɛ Korowii aa sune n nɛɛ dɛ cha mɛ kɛrɛdɛ n won dɛɛ cha heyaa la.

Ɛfesos 3:2 Referans Kwoze

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

2 Timoti 1:11

Amanesoma nɔ waa Korowii lee mɛ ŋɔ ń ba bol, dɛ́ ɡel n ɛ o torome ɡe dɛɛ baɡle nɛra o wa.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Ɛfesos 4:7

Kɛ ya bɛlbwa dɔ koŋkɛɛle aa le Korowii Domadɛɛɡe la be Yeesu Kristo kpɔ tɛ yaa. Gɛ waa dɛ nyin laanee o bɔna tɛ ya bwa ɡɛ del aa chɛ kɛ bɛlbwa dɔ.

1 Kɔrent 4:1

A wer kɛ hɛɛ yerɛ yaa Yeesu Kristo bonɔɔna. Korowii baɡle yaa o wesɔɔhla dɛ kpɔ do ya nɔn ta ŋɔ yáa baɡle nɛra.

Ɛfesos 1:10

asɛ a ɛ ɡɛ saŋ la waa liira la. O cheɡa kɛŋɔ wɛɛ ɡeloo nyundua ne harɛ ta komɛlbwa ɛ beŋkpoŋ, ásɛ Yeesu Kristo ɛ ba Dɔɔ.

Galaasia 1:13

Gɛ saŋ n fa aa dɛ tomɛ Korowii ɡɛ Juu tena aa dɛ tomɔ la, he noɔ ɡɛ n fa aa dɛ teŋɛ ɡɛ ŋwɛnɛ la ta dɛ che asɔre tena baa dɛ tomɔ nɛ, dɛɛ ɛɛ ba hɔhɔrɔwa tenten, dɛɛ nyin dɛ́ chɔɡ ba toma bwa.

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 13:46

Baa dɛ ɛ Pɔɔl ne Banabas nɛnhɛla la, ate ta kwaraa baa bol waa bansua ne dɛɛ ŋɔ, “Aŋwɛnɛ taa ya tɔ sie bol Korowii Amanesoma waa la he be la. Kɛ he ɡbaɡba aa vɛah dɛ baɡle kɛŋɔ he te ta Korowii mkpa la chɛɛ nɔ te naa, yaa ɡel heyaa dɛ́ la nɛra baa wola Juu tena ɛɛ la be,

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

1 Timoti 2:7

Anɔ waa Korowii lee mɛ ŋɔ ń lɔ a dawuro baɡle nɛra, dɛ́ berɛ ɛ Yeesu torome ɡe la. Kasinteŋii mɛɛ bol la, maa nyosone teŋe. Onee ɡela mɛɛ baɡle nɛra baa wola Juu tena ɛɛ la, ásɛ ba yarada Yeesu dɛ́ jemɛ kasinteŋ la.

1 Timoti 1:4

Ŋɔ ba bɛ ɡel nyosone la ne ɡɛ baa dɛ baɡle ba naanar leebɔra baa wola a nyoa na bwa la lɛ ba liire. Wetɔŋla ɡbo nee ɡɛ waa nɔ ɛɛ ba. Korowii toma ŋwɛnɛre laa baa baɡle la, dɛkalkɛ yarada ɡbo taa a che baa jemɛ Korowii toma ŋwɛnɛre.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Kolosi 1:4

dɛkalkɛŋɔ ya noɔ kɛŋɔ he dɛ yarada Yeesu Kristo kɛrɛdɛ dɛ kpɔ he te tɛo, dɛɛ nyin Korowii nɛra ba wa aa toɡra bwa ɡe.

Ɛfesos 4:21

He no o wa, ba baɡle heyaa kasinteŋ ŋwɛnɛ la, asɛ he jemɛ ɡɛ baa dɛ teŋɛ Yeesu nɛ.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

Tɔn Pɔɔl Aa Chwerɛ Rom Tena 11:13

He nɛra haa wola Israel tena ɛɛ la, he bee mɛɛ bol waa nɔ. Korowii aa lee mɛ ŋɔ ń ɛ Yeesu torome he be nɔ, mɛɛ maŋkura n toma nɔɔ.

Ɛfesos 3:7

Amanesoma toma nɔɔ Korowii kpɔ tɛ mɛ. Sunaa o sune n nɛɛ kohona dɛ cha mɛ o kpeɡri ne, n won dɛɛ ɛ toma nɔ.

Ɛfesos 3:9

Korowii aa ta komɛlbwa saŋ la ba le fini, o kpɔ waa nɔ ne ɡɛ a ŋwɛnɛre aa doa sɔh nɛwɛnyina. Kɛ o pili a bini baɡ mɛ ń bol baɡle nɛra bwa ba jemɛ.