Ɛfesos 3:1 - mzwDBL

¹ Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.

Ɛfesos 3:1 Referans Kwoze

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

Ɛfesos 4:1

Men Pɔɔl maa koh ya Dɔɔ waa la waa ba do mɛ dea la, n dɛ soŋe he bwa, hɛ́ɛ teŋɛ ɡɛ aa chɛ kɛ nɛra Korowii aa lee ba tɛ o te ɛɛ teŋɛ la.

2 Timoti 1:8

Bɛ ɡel a ɛɛ sihiih kɛ haa dɛ bol ya Dɔɔ Yeesu Kristo waa dɛɛ baɡle nɛra. Bɛ ɡel n ɡe waa dɔe sihiih kɛ baa koh Yeesu Kristo waa dɛ do mɛ dea la. Kɛ hé ɡe che Korowii kpeɡri waa kpɔa tɛɛ la ta, dɛɛ na waa Amanesoma la wa.

Ɛfesos 6:20

Maa ɛ Yeesu nachiɡe dɛɛ bol Amanesoma nɔ ba koh a waa do mɛ dea nɔ. Hɛ́ɛ soŋe Korowii ásɛ n ta dɔ bambile dɛɛ baɡla ɡɛ aa chɛ kɛ mɛɛ baɡla.

Faelemɔn 1:9

Nyina haa dɛ nyin nɛra la taa n che dɛɛ soŋe, nyiŋi ɡɛ men Pɔɔl aa ɛ banjena, ne dea baa koh Yeesu Kristo waa dɛ do mɛ nɔ ta dɛ no n waa nɔ.

Felepae 1:7

Aŋwɛnɛ taa n dɔ he hwɛɡa ɡɛ la, dɛkalkɛ he bwa waa lɔ n bambile ta. Baa do mɛ dea la, ne yoi maa yoa lɛ Amanesoma la cheɡ dɛ bol kasinteŋ aa lɔ a ta dɛɛ baɡle nɛra la, n ne he bwa nɛɛ Korowii sune dɛ cha yaa a ta.

Faelemɔn 1:1

Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la,

We-ɛɛla 23:18

Sooja la la o ne ba nomoa la be dɛ ka ŋɔ o be ŋɔ, “Pɔɔl la baa doo dea laanee yer mɛ dɛ ŋɔ n be ŋɔ ń ba bonɔɔ nɔ ne he be. O dɔ waane dɛ́ bol he be.”

Amanesoma Luk Aa Chwera Tɔn 21:12

Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini.

Faelemɔn 1:23

Epafras baa koh Yeesu Kristo waa dɛ do n ne on dea la dɛ nae.

We-ɛɛla 26:29

Anee Pɔɔl ŋɔ, “Dɛ buɡ nɔ taa yoo, dɛ kerekeree yoo, n te waa maa dɛ soŋe Korowii laanee kɛŋɔ, he ne nɛra baa dɛ no n waa fini nɔ fe do kɛŋɔ maa doa nɔ. Kɛ maa soŋe kɛ ba doe jɔɡrɔre kɛ baa do mɛ nɔ te.”

2 Timoti 1:16

N Naa Korowiirii dɛ na Oniseforɔs ne o dem tena sum, dɛkalkɛ dɛ on dɛɛ cha mɛ. Dɛ sihiih aa on kpo kɛ baa do mɛ dea la.

Kolosi 4:18

Men Pɔɔl ɡbaɡbaa chwerɛ bonɔ la, n dɛ na heya. Hɛ́ɛ lii n waa kɛ ba ta aa do mɛ jɔɡrɔre n chɔ dea, dɛ́ soŋe Korowii dɛ́ɛ tɛ mɛ. Kórowii sune he nɛ dɛ́ cha heya.

Kolosi 4:3

Hé soŋe Korowii dɛ́ɛ tɛ ya ɡba, ásɛ o tɛ yaa ŋwɛnɛ ya won bol o Waa dɛ́ baɡle o wesɔɔhla aa ɛ Yeesu Kristo waa la. A waa ba koh do mɛ dea nɔ.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

We-ɛɛla 21:33

Nomoa la baa lawɛ Pɔɔl dɛ ɡel ba doo jɔɡrɔre, dɛ bɔɔ nɛra la ŋɔ, “Nɛn besoo baa nɔɔ? Webesoo o ɛɔ?”

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Galaasia 5:11

Yabala, dɛ n fe ta dɛ bol ŋɔ penteŋa hiaoh waa, nɛra fe cheɡɛ n nɛɛ ken aa? Dɛ n fe kpɔ penteŋa waa dɛ ja Yeesu Kristo daɡaɡre ta sewa la waa ta dɛɛ bol aa, nɛra fe dɛ vɛh n wobol nɔ naa?

Galaasia 5:2

Hé ɡel n ŋɔ he be, dɛ he teŋɛ Mosis Mmara nɔ ta dɛ ɡel ba teŋe he pena aa, dɛ waa Yeesu Kristo aa ɛa tɛ heyaa la ta tɔnɔ dɔe tɛ heyaa kwaraa. Men Pɔɔl, men ŋɔa.

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

2 Kɔrent 1:6

Dɛ ya dɛ na wahala aa, he chae waa yaa naa, ásɛ dɛ won larawe he bwara, ásɛ Korowii won lɛ heya. Dɛ Korowii berɔ larawe ya bwara ɡe aa, dɛ he chae waa o ɛ ɡɛ, ásɛ ya won cha heya, he won lawɛ bambile ɡɛ saŋ haa ba na ya wahala yaa naa la dɔŋ la.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Ɛfesos 3:11

Gɛ waa cheɡa wubwa la, ya Dɔɔ Yeesu Kristo aa bala la, a wono ɛ ɡɛ.