Ɛfesos 1:6 - mzwDBL

⁶ O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Ɛfesos 1:6 Referans Kwoze

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

Ɛfesos 1:12

ásɛ nɛra won nyiŋi ya banɔ la yaa fela dɔ hwɛɡa Yeesu Kristo waa ta la, dɛ́ kpɛɛro, dɛ́ tɛo jirima.

Felepae 4:19

N Naa Korowii ɛɛ cha heyaa komɛlbwa haa nyaa la taa dɛ le o kondɔɔh tenten la ta, pɛɛ he ne Yeesu Kristo aa pɛa la wa.

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

2 Kɔrent 4:15

He waa Korowii ɛ anɔ bwa. Waraa nɛra Korowii aa na ba sum den na dɛɛ warɛ. Baa kpɔ jam kohonaa tɛ Korowii ásɛ o dɔ jirima.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Amanesoma Jɔn Aa Chwera Tɔn 10:17

Maa sɛah kɛŋɔ mɛɛ koh n peera waa dɛ́ sewɛ dɛ́ berɛ ir seo ta la nomanta, n Mɛɛ la dɛ nyin mɛ taeh.

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Sɛɡla 16:4

Wobɛlbwa Korowii aa ɛ la, dɛ waane waa dɛ nyin waa o ɛa. O ɡelɔ wechɔɡ-ɛɛra ɛɛ so le, ka tel saŋ baa dɔ deŋnetɛra.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Yela 22:20

Lɛɛ mɛ le tokobi seo nyoa. Lɛɛ mɛ le n dɔma baa do kɛŋɔ nyootena nɔ nɔn ta.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Yela 60:5

Lɛ yaa he kpeɡri ne, dɛ́ no ya wesoŋa, ɡɛ aa ɛ he lɛ nɛra haa dɛ nyin ba la.

Lewi Dea Tena 15:15

Sɔfo la kpɔa dɛ́ kpɔ bɛl ɛ wechɔɡa kpɔe dɛ kɛ saraha, ásɛ dɛ kpɔ bɛl la ɡe ɛ saraha baa fuah. Gɛɛ wɛɛ ba ɛɛ dɛ́ soŋe naate la weela tɛo n sie dɛ́ laa doŋa kpɔ o nɛ.

Matiu 20:9

Banɔ la baa ba toma la ta dɛ wee dɛ ba joe la bɛlbwa dɔ denaare beŋkpoŋ.