Daneɛl 8:3 - mzwDBL

³ asɛ n na pebal bɛl o dɔ nyeɡlejaŋa anɛ. A habɔɔ la, nyeɡle la bɛl berɔ ba kpeɡ dɛ do jaŋne ɡwaa o dɔŋ la.

Daneɛl 8:3 Referans Kwoze

Daneɛl 8:20

Pebal haa nao o dɔ nyeɡlare anɛ la cheɡɔ tɛ Midia ne Pɛɛsea koranar.

Daneɛl 10:5

N ha sie nyiŋi, dɛ na baa bɛl waa do laalapoŋa, asɛ kiriso baa kpɔ suuɡaswɛm tenten ɛo vɔwɛ o chara.

Sekaria 6:1

N berɔ na wepila ane ɡe aa ɛ kwaa aa do kɛŋɔ torɔɡore anaarɛ a le ayaawa bwejena anɛ ane baah ta dɛɛ ba.

Sekaria 5:9

Ate, n berɛ ha sie nyiŋi, dɛ na haahna banɛ baa dɔ kena kɛŋɔ nyeŋɡboŋ dɛ ir dɛɛ ba n be, dɛ ba kpɔ wɛɡrɛ la ir kaa nyundua.

Sekaria 5:5

Ate, Korowii nyundua torome n ne waa dɛ bol waa la, balɔ dɛ ba ŋɔ n be ŋɔ, “Ha sie nyiŋi nyundua, dɛ́ na kon waa dɛ ba nɔ.”

Sekaria 5:1

Men Sekaria berɔ na tɔn waa dɛ kile nyundua wepila ta!

Sekaria 2:1

Wepila ane ɡe ta, men Sekaria na bonɔmbii bɛl waa kpoŋe ŋwɛn baa kpɔa dɛɛ maɡɛ bɔr.

Sekaria 1:18

Wepila ane ɡe ta, n na nabal nyeɡlare anaarɛ ane.

Daneɛl 7:5

N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’

Daneɛl 6:28

Daneɛl wobɛlbwa wer tɛo ɡɛ saŋ Koojen Dareɔs aa soɡe kora ta, ne ɡɛ saŋ Pɛɛsea Kooro Saeros aa di kora.

Daneɛl 5:31

asɛ Midia te baa dɛ yerɔ Dareɔs lɛ kora la di, dɛ o di bene fifraanumɛl dɛ anɛ.

Daneɛl 2:39

He kora la habɔɔ, kora bɛl ɡe ɛɛ bao dɛ́ che tɛ suuɡapoŋ la, kɛ waa hen tel. Ásɛ toorote ɡe ba, dɛ́ che tɛ ayaawa la. Onee dɛ́ ba di kora harɛ nɔ bwa ta.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 13:17

Korowii ŋɔ, “Hé no! Mɛɛ ɡeloo Midia tena ba yo Babelɔn tena. Ba waane laa suuɡapoŋa wa, haa won kpɔ suuɡaswɛm yaɡ ba sen.

Ɛsta 1:3

Waa di kora bentooro te ta la, o yerɛ o nomonjena ne o nomonome bwa ba cheme, asɛ ba di kondikonjena dɛ lɛ ba sie. Pɛɛsea harɛ ne Midia harɛ laa nomonome, ne nomonome baa chɔ o harɛre bwa nyoo ne nomonjena balɔ.

Ɛsra 4:5

Ba yawɛ Pɛɛsea harɛ nomonome sen ŋɔ bá chɔɡ vɔrɔwa bɛlbwa baa dɛ vɔrɔwe Dea la toma wa, dɛ le Pɛɛsea Koojena Saeros ne Dareɔs kora dii saŋ bwa.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

Nɛra Kura 24:2

Balam ha sie dɛ na Israel tena la kɛŋɔ baa baŋre ba tɛnte deene dɛ so denaa ta. Korowii Doma baa so o nɛ,

Wepila 5:6

Belaa n nyiŋi dɛ na pebie bɛl waa cheɡɛ baah ta, kookara la bɔr, hweera kwaa la ne nomonome la baro. O le pee baa kpoo. O le nyeɡlare anuanɛ dɛ dɔ sibie ɡe anuanɛ. Sibie la cheɡɔ tɛ Korowii Domare anuanɛ la waa toma a la harɛ nɔ bwa ta la.

Wepila 13:11

Belaa n berɛ na olchɔɡe bɛl kɛŋɔ onɔ la, o ɛɡɛ dɛɛ le harɛ bini. O dɔ nyeɡlare anɛ kɛŋɔ pebale ken, o taa do kɛŋɔ kontuuɡi damanta taa ken.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,