Daneɛl 8:10 - mzwDBL

¹⁰ Nyeɡlejeɡa la wono kpeɡ kohona, dɛ ka tel nyundua laa kwaa aa wara dɛ ɛ weweela la be, asɛ dɛ taɡɛ a bini ane ta harɛ, dɛ tiɡri a nɛ.

Daneɛl 8:10 Referans Kwoze

Wepila 12:4

Asɛ o kpɔ o din ɡbaa weweela ta harɛ. Dɛ he bɔne a bini bɔre atoro naa, a bini beŋkpoŋii o ɡbaa. O baa che haah la waa dɛ ba lola la sie dɛɛ nyin kɛŋɔ dɛ o lolaa, ó kpɔ o bie la lile.

Aesaya 14:13

He fa liiro ŋɔ, ‘Mɛɛ teehnoo kaa nyundua. Korowii weweela baŋ lee mɛɛ ba n kookara kpɔe ka cheɡ, dɛ́ so kɛŋɔ kooro weekaŋle nyunduabɔr bwejen la ta, bela kwaa aa bea baa wola an na aa dɛ cheme la.

Daneɛl 8:7

N nao kɛŋɔ o kpɔ bandia kohona ka pu pebal la, asɛ dɛ chuɡo dɛ laa o nyeɡlare anɛ la kuuɡi. Pebal la sɔɔhnɔ o ta wone pu booh la yo, asɛ o chuɡo ɡo harɛ dɛ tiɡri o nɛ. Nomɛlbwa toole dɛ won lɛ pebal la.

Daneɛl 7:7

A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.

Daneɛl 11:28

Siiria kooro ɛɛ kpɔ laala waa paa laa ta la bwaa kaa o harɛ ta, dɛ́ kpɔ sibeɡra dɛɛ nyin o chɔɡ Korowii ne o nɛra fɔo waa do ɡoroŋ la. Wɛɛ ɛ ɡɛ bɛlbwa waa dɛ nyinii, ásɛ dɛ berɛ kaa o ɡbaɡba harɛ ta.

Daneɛl 11:30

Rom tena ɛɛ kpɔ stiimaeree le mpo nyoa wee cholibɔr harɛre taa, dɛ́ ba yoo, ásɛ o bambile chɔɡ. Wɛɛ berɔ kpɔ bandia dɛɛ nyin dɛ́ chɔɡ Korowii fɔo waa do ɡoroŋ la. Wɛɛ dɛɛ teŋɛ nɛra baa wola fɔo la ta teŋɛ la nɛɛ.

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.