Daneɛl 7:9 - mzwDBL

⁹ Men Daneɛl berɔ na kɛŋɔ kookane aa baa che, asɛ Nɛn Waa Lole Saŋ La Bwa ba so kane la bɛl ta. O tɔ yal o to kɛŋɔ yabi, asɛ o nyumpona to kpelkpel kɛŋɔ pee pona. Ninlao ɡboo o kookara la, asɛ kara la nakpale do kɛŋɔ saaker nakpale dɛɛ hɔ.

Daneɛl 7:9 Referans Kwoze

Wepila 1:14

O nyumpona too kpelkpel kɛŋɔ yabi, o sibie ɡe ɛɛ nyɛɡle kɛŋɔ ninlao ken.

Amanesoma Mak Aa Chwera Tɔn 9:3

asɛ o laala bwa to dɛɛ nyɛɡle al-al ken, dɛ to kohona ɡwaa ɡɛ baa chɛɡɛ laala a yon to la.

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Daneɛl 7:22

mɔɔ Nɛn Waa Lole Saŋ La Bwa la ba, dɛ́ ba pa Nemenɛ Korowii nɛra ba waa aa toɡra la boldɛɛɡe, asɛ saŋ tel kɛŋɔ ba kpɔ ba kora di name.

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Wepila 19:18

Koranar ne soojanomonome, ne nɛnjena, ne jaɡre ne a dɔɔranar, ne nɛra bwa, ba bini banɔ la baa dɔ ba te ne yoma, ne nomonjena, dɛ bechale bwa serewɔ. Anomanta, hé ba di ba ola.”

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

We-ɛɛla 2:33

O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la.

We-ɛɛla 2:30

Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Yela 90:2

Mɔɔ he ta bwejena kɛɛ harɛ nɔ la, dɛ he ɛ Korowii saŋ bɛlbwa dɛɛ la.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

1 Jɔn 1:5

Waa yaa noa le Yeesu be dɛɛ bol he be laanee kɛŋɔ, Korowii do kɛŋɔ kon waa chaahna ken. Wechɔɡa bɛlbwa toole o nɛ.

Matiu 28:3

Dɛ he nao waa, o dɛ jajare sie kɛŋɔ bwaala aa nyɛɡla ken, asɛ o laala waa doa la ɡe to kpelkpel kɛŋɔ yabii ken.

Wepila 4:2

Buɡ la ta, Korowii Domadɛɛɡe la den ir n nɛ, asɛ n na kɛŋɔ kookara bɛl cheɡɛ nyundua, nomɛl so o ta.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

2 Webena 18:18

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Yela 93:2

Saŋ la bwaa he kora le. Mɔɔ wobɛlbwa pa mun la, dɛ he lole.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Jeremia 49:38

Mɛɛ kpoo ba koranar ne nomonomee, dɛ́ ba cheɡ n kora bela dɛɛ nyiŋi ba nɛ.