Daneɛl 7:5 - mzwDBL

⁵ N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’

Daneɛl 7:5 Referans Kwoze

Daneɛl 2:39

He kora la habɔɔ, kora bɛl ɡe ɛɛ bao dɛ́ che tɛ suuɡapoŋ la, kɛ waa hen tel. Ásɛ toorote ɡe ba, dɛ́ che tɛ ayaawa la. Onee dɛ́ ba di kora harɛ nɔ bwa ta.

Hosia 13:8

Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Daneɛl 11:2

Nyundua torome Maekel waa dɛ daah Israel harɛ la ŋɔ, “Namee mɛɛ ba kasinteŋ la he be bola. Koranar batoro ɛɛ ir Pɛɛsea harɛ taa, ásɛ naarɛte ɡe ba dɛ́ ba dɔ suuɡa ɡwaa banɔ la bwa. O baa dɔ kpeɡri dɛ le o kondɔɔh la ta naa, wɛɛ di nomɛlbwa liiree ba yo Grik tena harɛ kooro.

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Aesaya 56:9

Korowii ŋɔ, “Harɛre nɛra haa ɛ he te kɛŋɔ kpɔɡ bini ola, hé ba dɛ́ ba chɔɡ n nɛra Israel tena.

Sɛɡla 17:12

He cheme sisire baa pa o bii kaa bɔ ɡɛne waa lɔ o ɡɛne we-ɛɛla ta.

2 Koranar 2:24

Asɛ Elaeja ke nyiŋ ba dɛ taah ba Korowii sɔn ne, asɛ sisirere anɛ le daa ane bini, dɛ ba kpoo bii la bini fifraanaarɛ dɛ banɛ dɛ toɡri ba ola.

Wepila 13:2

Olchɔɡe la maa nao la le noniete, o nakpale ɡe le sisire nakpale, asɛ o nyoa ɡe le nyujente nyoa. Asɛ kontuuɡi damanta la kpɔ o kpeɡri ne o kora ne o nomonome kohona waa dɔa la bwa tɛ olchɔɡe la.

Daneɛl 7:4

“Oljen waa tɔ sie la do kɛŋɔ nyujente, dɛ dɔ kena kɛŋɔ kee ken. Maa nyiŋa na la, ba tu o kena la le o nɛɛ dɛ lawɔ ir, o che o nakpale anɛ ta kɛŋɔ nɛn ken, asɛ o dɔ nɛn liire ɡe.

Daneɛl 7:6

Onɔ habɔɔ, n berɔ na oljen bɛl ɡe o do kɛŋɔ noniete, kena anaarɛ lɔ o nyaŋ ta kɛŋɔ jumbie ken. Gɛ oljen nɔ dɔ nyuune anaarɛ, ba tɛo kora dii kpeɡri.