Daneɛl 6:24 - mzwDBL

²⁴ Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Daneɛl 6:24 Referans Kwoze

Aesaya 38:13

Jwaana bwaa n kpɔ weweele bini dɛ wi, a do kɛ nyujente aa dɛ paɡre n hoɡa ken. N liiro ŋɔ Korowii fe lɛ me mkpa tonɛ.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Yela 54:5

Gel n dɔma vɔrɔwa baa vɔrɔwa ɡure ba nyu ta, che he kasinteŋ ta dɛ́ chɔɡ ba.

Ɛsta 9:25

Ɛsta aa la Kooro Sɛksɛs be dɛ ŋɔ Heeman vɔrɔwe Juu tena vɔrɔwa dɛ́ fee kpoo ba la, kooro do mmara dɛ ɡel Heeman liichɔɡa waa liira la ɡure o ɡbaɡba nyu ta, asɛ ba saɡɛ o ne o bibaala fi la.

2 Koranar 14:6

Kɛ o ta ɡɛ nomonome la bii kpoorɛ ɡɛ Korowii aa chwera Mosis Mmara la ta kɛŋɔ, “Mɛɛ kɛɛ nya ɛ wechɔɡa aa, haa won kpɔ kpo o bie, bii ɡe ɛ wechɔɡa aa, haa won kpɔ kpo mɛɛ kɛɛ nya. Nɛn o ɡbabir aa ɛ wechɔɡa laanee chɛ kɛ ó sewɛ o wechɔɡa wa.”

Mmarare 24:16

He bɛ nomɛlbwa ba kpo o bie wechɔɡa waa ɛa wa. Gɛɛ he bɛ bie ɡe ba kpo o mɛɛ wechɔɡa wa. Bɛlbwa chɛ kɛŋɔ ó sewɛ o wechɔɡa waa ɛa wa.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Ɛsta 9:10

baa ɛ Hamedata bibaa Heeman bibaala. Dɛ Heeman ɛ Juu tena dɔm. Kɛ Juu tena la ta ba komɛlbwa kpɔe kaa.

Daneɛl 3:22

Gɛ kooro waa la aa hiah, ne ɡɛ nii laa dɛ hɔ a nyoa do kpeɡri kohona nomanta, nii la nyaa laa tena la baa kpɔ Sadrak ne Mesak dɛ Abɛdnɛɡo ka ta nii la ta la, ba serewe,

Sɛɡla 19:9

Dansewea te dɛ́ dɔ deŋnetɛra, ɡɛɛ nyosonteŋni ɡe ɛɛ sewɛ.

Jeremia 34:17

Anomanta, men Korowii ŋɔ, he ta n waa la noɛ, he ta ɡelɛ he bala dɔ ba nyu di. Gɛ aa wera laanee kɛŋɔ, mɛɛ ɡeloo hé di he nyu, ásɛ laa ne weechɔɡa dɛ lɔr ɡe kpoo heya. Mɛɛ ɡeloo harɛre nɛra bwa bambile teŋe he wa.