Daneɛl 6:20 - mzwDBL

²⁰ Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Daneɛl 6:20 Referans Kwoze

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Daneɛl 6:27

Onee dɛɛ lɛ nɛn dɛ ɡel o dɔ o nyu dɛɛ di, dɛɛ ɛ nyokpowa, o we-ɛɛla ɡe do kan nyundua ne harɛ bwa. Onee lɛ Daneɛl nyujentena nɔn ta aa wola on kpoe.”

1 Webena 16:11

Hɛ́ɛ soŋe Korowii dɛ́ na o kpeɡri, dɛ́ɛ tomɔ saŋ bɛlbwa.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Jems 1:25

Korowii Mmara wer kɛrɛdɛ, o ɡelɔ yaa dɔ ya te, waa yaa vɔrɔwe. Nomɛlbwa waa dɛ no dɛɛ pese o bini, waa wola soh dɛɛ ɛ ɡɛ waa baɡla la, Korowii ɛɛ swee andɛɛɡa tɛ naate o we-ɛɛla bwa ta.

2 Kɔrent 1:10

O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Luk Aa Chwera Tɔn 1:37

Na, wobɛlbwa ta Korowii ɛɛ tele.”

Hosia 12:6

Kɛ a chɛ kɛŋɔ Jekɔb naanar, hé berɛ ba Korowii haa dɛ tomɔ la be, hé kpoŋe nyina ne kasinteŋ, dɛɛ no o be saŋ bɛlbwa.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Yela 73:23

Kɛ dɛ saŋ bɛlbwa n ja he nɛ, he lawɛ n nɔn kpoŋe.

Nɛra Kura 11:23

Korowii chaŋe Mosis ŋɔ, “N kpeɡri aa won tel ɡɛ kɛɛ? Hɛɛ nao name kɛŋɔ waa maa bola la ɛ kpela kɛɛ a ɛ nyosone.”

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

We-ɛɛla 6:4

ásɛ ya te won dɔ bɔr dɛ́ kpɔ Korowii soŋa ne o Waa bola ɡbo ɛ ya toma.”

Yela 146:2

Mɛɛ kpɛɛro n soɡa bini bwaa, dɛ́ ɡo yela ɡe kpɛɛ Korowii maa dɛ tomɔ saŋ bɛlbwa.

Yela 119:112

N bambile lawɔ kɛ mɛɛ teŋɛ he waa la taa, ka tel tɔpere maa sewɛ.

Daneɛl 6:19

Tɔ aa pera chɔmbibi la, kooro la iro dɛ ɛ warane la nyujentena bɔɔ la ta.

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.