Biblia Todo Logo
Bib sou entènèt

- Piblisite -




Daneɛl 5:19 - mzwDBL

19 Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.

Gade chapit la Kopi




Daneɛl 5:19
22 Referans Kwoze  

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”


Ate, kooro keame bɛl ir che dɛ kpɔ takpeɡ ŋɔ, “Harɛre nɛra bwa ne wobol bɛlbwa nɛra haa le he harɛre ta ba, waa kooro aa dɛ do heyaa a ta laanee kɛŋɔ,


A chɛ kɛ nomɛlbwa siwi su o harɛ nomonome dɛɛ teŋɛ ba mmara ɡe ta, dɛkalkɛŋɔ Korowii ta ŋwɛnɛ tɛɛ yaa, nomonome aa lee do. Korowiirii cheɡ ba.


Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”


Kondɔɔh neɡre Babelɔn tena dɛ ɡel ba nyoɡre. Ba ɛ kafonyine, ba siwi aa kwaa su bwa. Ba jenu dɛɛ ɛ sikpeɡ kɛŋɔ seo waa wola vaɡɛ bwa la. A waa ba teŋɛ dɛɛ pɔ harɛre nɛra nɛ, dɛɛ laɡ ba laa ta.


n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.


Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”


Kooro baah diu waa, wɛɛ won ɡel ba kpoe, wejeremee jemɛ o larawa.


Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,


Kooro Evil Mɛrɔdak bol wobodɛɛɡa tɛ Kooro Jehoiachin, dɛ tɛo jirima ɡwaa koranar baa ja o nɛɛ ba laɡ ba kaa bojaŋ harɛ ta Babelɔn bela la bwa.


Anomanta, n kpɔɔ do harɛre nɛra baa ɛ hɔɔhra la kooro nɔn ta, ásɛ o ɛo ɡɛ aa chɛa o nyubinikpeɡ la wa. N vɛoh.


Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”


Ásɛ kooro bɛl ɡe waa do kpeɡri ba ir, dɛɛ di kora kpeɡri ne ɡɛ waa dɛ nyin.


Siiria kooro waa ka lɔ tɔ ba nɛɛ la, wɛɛ ɛɛ baa ɡɛ waa dɛ nyin, nomɛlbwa aa wola won tɔɔ ŋwɛnɛ. Wɛɛ ka che Israel Harɛdɛɛɡe la taa, ásɛ dɛɛ di kpeɡri o ta.


Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.


Bɛ too ŋɔ hɛɛ le kooro sie kaa. Bɛ on deŋnekpeɡ ɛ, dɛkalkɛ wɛɛ won ɛɛ ɡɛ bɛlbwa waa dɛ nyin.


Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.


Ijipt kooro la ɛɛ maŋkura o te pɔe waa pɔ ba nɛɛ la waa, ne laa tena waa kpoo ba warɛ la, kɛ waa won teŋɛ dɛɛ pɔ o dɔma nɛɛ ɡɛ.


Swiv nou:

Piblisite


Piblisite