Daneɛl 4:8 - mzwDBL

⁸ A habɔɔ la, Daneɛl baa bera dɛɛ yerɔ Bɛltesasa maa kpɔ n voɡ sɔn pao la, ba n be. Voɡa aa wola nɛwɛnyina ɛɛ tɛo kpeɡri ane, anomanta, n bol n deera la o be.

Daneɛl 4:8 Referans Kwoze

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Daneɛl 5:14

N noɔ kɛŋɔ voɡa aa wola nɛwɛnyina ɛɛ tɛɛ kpeɡri ane, he dɔ wejema dɛ dɔ liire ɡa.

Daneɛl 4:18

Deera men Kooro Nebukadnesa aa deera laanee nɔ. Bɛltesasa, baɡ mɛ a mun, dɛkalkɛ wejereme bɛlbwa toole n harɛ nɔ ta, dɛ́ won baɡ mɛ a mun. He te, voɡa aa wola nɛwɛnyina ɛɛ aa tɛɛ kpeɡri ane nɔ, hɛɛ wonoo baɡle.’ ”

Daneɛl 4:9

Asɛ n ŋɔ Bɛltesasa waa ɛ dobodobo tena bwa nomoa la be ŋɔ, ‘N jemɔ kɛ voɡa aa wola nɛwɛnyina ɛɛ ane tɛɛ kpeɡri, asɛ wesɔɔhla bɛlbwa toole dɛ do kpeɡri tɛɛ. N deera maa deera laanee la. Baɡ mɛ a mun.

Daneɛl 2:11

Waa kooro aa dɛ bɔɔ la kpeɡri kohona to. Nomɛlbwa toole dɛ́ won pili a bini tɛ kooro nemenɛ voɡa, a ɡɛ voɡa la ɡe toole harɛ nɔ ta.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Aesaya 63:11

Anee ba berɛ lii waa aa chiɡa, Korowii bonɔɔ Mosis saŋ la, asɛ dɛ bɔɔ ŋɔ, “Leperaa Korowii waa lɛ o nɛra ne ba sitɔɔla le mpo ta la dɔɔ taraken nɔ? Korowii waa kpɔ o Doma tɛ Mosis la sɛ?

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Mumpar 41:38

Asɛ kooro ŋɔ o nomonome la be ŋɔ, “Dɛ Josef laa, nomɛlbwa toole, o nɛɛ Korowii Doma so, onee dɛ́ won nyiŋi kondikwaa nɔ ta.”

Daneɛl 2:26

Belaa kooro bɔɔ Daneɛl baa bera dɛɛ yerɔ Bɛltesasa ŋɔ, “Hɛɛ won jemɛ n deera la dɛ́ baɡ mɛ a mun aa?”

Daneɛl 3:14

Anee Kooro Nebukadnesa bɔɔ ba ŋɔ, “A ɛ kpela kɛŋɔ he vɛh n voɡa la ne suuɡaswɛm voɡ maa cheɡo la toma aa?

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.