Daneɛl 4:19 - mzwDBL

¹⁹ Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.

Daneɛl 4:19 Referans Kwoze

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Daneɛl 7:28

Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”

Daneɛl 4:24

N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

1 Samoɛl 3:17

Eli bɔɔro ŋɔ, “Bɔkwa waa Korowii bol he be nɔ? Bɛ wobɛlbwa kpɔ sɔɔh mɛ. Dɛ he kpɔ wobɛlbwa Korowii aa bol he be sɔɔh mɛ naa, ó tɛr he deŋne kohona.”

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Daneɛl 7:15

Wepila men Daneɛl aa naa la ha mɛ taeh, doma ne liire bini bwa.

Daneɛl 5:12

Gɛ baa la sɔne Daneɛl, dɛ he mɛɛ dɛ yerɔ Bɛltesasa. He mɛɛ nao kɛŋɔ o liire wer o dɔ wejema dɛɛ no waa mun, dɛ won deera mun baɡla. O won waa aa kpeɡa ne sɛɡla ɡe bwa mun baɡla. Gel ba la ka yerɛ Daneɛl, ásɛ o ba baɡle a mun.”

Daneɛl 2:26

Belaa kooro bɔɔ Daneɛl baa bera dɛɛ yerɔ Bɛltesasa ŋɔ, “Hɛɛ won jemɛ n deera la dɛ́ baɡ mɛ a mun aa?”

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

Jeremia 29:7

Hɛ́ɛ nyin wedɛɛɡa ne waa aa ɡel he soɡa bini do wer, bwɛjena maa ɡela ba lawɛ heyaa ka so a ta la ta. Hé che ba naa ta soŋe le n be dɛɛ tɛɛ ba, dɛkalkɛ dɛ ba wobɛlbwa wer dɛɛ tɛɛ ba, ba nɔn bini do wer aa, anee dɛ́ ɡel he ɡe nɔn bini do wer.

1 Koranar 18:7

Obadia aa dɛ kaa la, o kaa cheme Elaeja dɛ jemɔ, asɛ o ɡuŋu dɛ ŋɔ, “N dɔɔ Elaeja, henee nɔ naa?”

1 Samoɛl 26:15

Devid chaŋe ŋɔ, “Laa nomonjen laa hen Israel harɛ ta naa? Bɔkwa waa bala he ta kooro waa ɛ he nomoa la daahnɛ ɔ? A ta biɡre bɛlbwa nomɛl ba jo ŋɔ ó fe den ba kpo kooro.

1 Samoɛl 24:8

Belaa Devid ɡe le bwebɔɔ la bini dɛ yerɛ Kooro Sɔɔl ŋɔ, “N naa kooro.” Kooro Sɔɔl aa kea nyiŋu la, Devid ɡure nyu su, dɛ kpɔ sie pi harɛ.

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Mumpar 32:18

he chaŋe ŋɔ, ‘He bonɔɔ Jekɔb kwaa. O lawa ŋɔ ń kpɔ ka tɛ o dɔɔ Esɔ. O ɡe lɔ mun ta dɛɛ ba.’ ”

Mumpar 31:35

Asɛ Rakɛl ŋɔ o mɛɛ be ŋɔ, “N poori n mɛɛ, bɛ ɡel he baah di. Maa won ir che he sie, dɛkalkɛ n le dahara.” Laban nyiŋi o tɛnte dea bini kɛ wɛɛ na voɡa laanee, kɛ o ta an nae.

Mumpar 40:12

Anee Josef ŋɔ o be ŋɔ, “Kenii he deera la mun ɛɛ baɡle. Daa kpala atoro la cheɡɔɔ tɛ tɔpera atoro.

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.