Daneɛl 3:22 - mzwDBL

²² Gɛ kooro waa la aa hiah, ne ɡɛ nii laa dɛ hɔ a nyoa do kpeɡri kohona nomanta, nii la nyaa laa tena la baa kpɔ Sadrak ne Mesak dɛ Abɛdnɛɡo ka ta nii la ta la, ba serewe,

Daneɛl 3:22 Referans Kwoze

Sɛɡla 21:18

Nyubinikpeɡ te dɛ nyin nɛn o wa aa toɡra ne wechɔɡa aa, a dɛ ɡure o nɛ.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Kaala 12:33

Ijipt tena la iro che ba nɛɛ ŋɔ, “Hé ɛ warane dɛ́ le ya harɛ nɔ ta.” Ba liiro ŋɔ dɛ ba ta ɡelɛ ba kaa laa, ba bwa ɛɛ serewoo.

We-ɛɛla 12:19

Kooro Hɛrɔd aa baa no kɛŋɔ Pita nyoɡrɔ la, o ɡelɔ ba nyin o bɔr, kɛ ba ta on nae. Anomanta, o ɡelɔ ba bɔɔ soojare la waa kɛrɛdɛ, dɛ ŋɔ bá kpoo ba. A habɔɔ la, Kooro Hɛrɔd le Juda harɛ dɛ ka so Sisaaria tama.

Matiu 27:5

Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

Daneɛl 6:24

Ate, Kooro Dareɔs ɡel ba ka kpɔ nɛra baa haŋɛ Daneɛl nyoa la ba tɛo, asɛ o ɡel ba kpɔ ba ne ba haahna, ne bii bwa ka do nyujentena bɔɔ la bini. Baa wola bɔɔ la mun ta tele mɔɔ kwara la, dɛ nyujentena la toɡri ba bini, dɛ paɡre ba hoɡa bwa.

Daneɛl 2:15

Daneɛl bɔɔ nomoa Areɔk la ŋɔ, “Bɔkwa waa kooro do mmara kpeɡ nɔ ken?” Asɛ o bol waa la Daneɛl be.

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.

1 Koranar 13:28

O lawɛ ŋwɛnɛ dɛ ka na kɛŋɔ o chɔɔ, keeɡo la ne nyujente la che o jwɛh. Nyujente la ta on chwee, o ta keeɡo la ɡe kpoe.