Daneɛl 3:15 - mzwDBL

¹⁵ Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 3:15 Referans Kwoze

We-ɛɛla 5:29

Belaa Pita ne o bala troma la ŋɔ, “Korowii chɛ kɛŋɔ ya ɔmɛ ɡwaa nɛwɛnyini.

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

2 Koranar 18:35

Harɛre nɔ voɡ besoo wona lɛ o harɛ le n be nɔ? Ɛrɛɛ Korowii ɛɛ ba wona lɛ Jerusalam ɔ?”

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

Amanesoma Mak Aa Chwera Tɔn 13:11

Dɛ ba baa lawɛ heya, dɛ la he ne nomonome sie naa, he bɛ ɡel waa haa dɛ ba bola la hiah heya. A baa tel kɛŋɔ hé bol wa aa, hé bol wobɛlbwa aa le he nyoa la, dɛkalkɛŋɔ waa haa dɛ ba bola la aa he bee le. Korowii Domadɛɛɡe la bee aa ba lee.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

Amanesoma Luk Aa Chwera Tɔn 13:9

Dɛ benanyoa chemo o nɔnaa, amɔ te dɛ anee. O ta wone nɔnɛ ɡe aa, ásɛ he teŋo ta.’ ”

Amanesoma Luk Aa Chwera Tɔn 12:11

Dɛ ba yerɛ heyaa ka che cheremi deene bini ne harɛ nɔ ta nomonome sie naa, he bɛ ɡel waa haa bol dɛ lɛ he te la hiah heya,

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Matiu 10:19

Dɛ ba baa lawɛ heyaa dɛ la he ne ba sie naa, he bɛ ɡel waa haa dɛ ba bola, ne ɡɛ haa bol dɛ́ lɛ he te hiah heya. A baa tel kɛŋɔ hé bol wa aa, hɛɛ jemɛ waa haa dɛ ba bolaa.

Daneɛl 2:9

dɛ he ta deera la bolɛ baɡ mɛ naa, deŋnetɛraa dɛ́ chɔ le tɛ heya. He vɔrɔwɔ kɛŋɔ he dɛ ba n be dɛ́ ba teŋe nyosone, dɛ́ neɡre mɛ, ásɛ n charɛ n liire. Hé baɡ mɛ deera la, ásɛ n jemɛ kɛŋɔ hɛɛ won baɡ mɛ a mun.”

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”