Daneɛl 2:48 - mzwDBL

⁴⁸ Kooro la ɛ Daneɛl nɛnjen, dɛ kɛo konjena taeh, dɛ kpɔ Babelɔn harɛ ta kpeɡri bwa do o nɔn ta. O ɛo Babelɔn harɛ ta wejerema bwa nomoa.

Daneɛl 2:48 Referans Kwoze

Daneɛl 2:6

Kɛ dɛ he wono baɡ mɛ deera la ne a mun aa, mɛɛ kɛ heyaa kwaa a su he siwi, dɛ́ tɛ heyaa sɔn ɡe taeh. Anomanta, hé baɡ mɛ deera la ne a mun.”

Daneɛl 5:11

Baa bɛl lɔ he harɛ nɔ ta voɡa aa wola nɛwɛnyina ɛɛ tɛo kpeɡri ane. He mɛɛ kora dii saŋ la, o nao kɛŋɔ o ɛ wejereme, dɛ jemɛ waa kɛŋɔ voɡa ken. He mɛɛ Kooro Nebukadnesa ɡbaɡba kpɔɔ ɛ dobodobo tena, ne nɛra baa dɛ ɛ sɔmwe-ɛɛla, ne wejerema baa jemɛ weweela waa dɛ voɡra bwa nomoa.

Daneɛl 4:9

Asɛ n ŋɔ Bɛltesasa waa ɛ dobodobo tena bwa nomoa la be ŋɔ, ‘N jemɔ kɛ voɡa aa wola nɛwɛnyina ɛɛ ane tɛɛ kpeɡri, asɛ wesɔɔhla bɛlbwa toole dɛ do kpeɡri tɛɛ. N deera maa deera laanee la. Baɡ mɛ a mun.

Daneɛl 5:29

Ate, buɡ la ta, Kooro Bɛlsasa ɡel ba ka kpɔ yakɔl ba tɔ Daneɛl, dɛ kpɔ suuɡaswɛm jɔɡrɔre do o baŋa, asɛ dɛ ɛo nɛntoorote waa dɔ kpeɡri o kora ta harɛ la ta.

Daneɛl 5:16

Taraken, n noɔ kɛŋɔ he won waa mun baɡla, waa a mun noe aa kpeɡa ɡe la, he won a mun baɡla. Dɛ he wono kure kwaa baa chwera nɔ dɛ baɡ mɛ a mun aa, mɛɛ tɔe yakɔlee, dɛ́ kpɔ suuɡaswɛm jɔɡrɔre do he baŋa, ásɛ n habɔɔ henee dɛ́ teŋɛ tooro, dɛ́ dɔ kpeɡri n kora ta harɛ nɔ ta.”

Daneɛl 3:30

Ate, kooro la berɛ ɛ Sadrak, ne Mesak dɛ Abɛdnɛɡo nomonjena Babelɔn harɛ bwa ta.

Daneɛl 3:12

Sadrak ne Mesak dɛ Abɛdnɛɡo baa ɛ Juu tena he kpɔ ba chɔ Babelɔn harɛ nɔ waa nyoa la, ba vɛh he waa la. Baa he voɡa tomɛ, dɛ vɛh suuɡaswɛm voɡ haa kpɔa cheɡ la ɡe ɡuŋa.”

Daneɛl 3:1

A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Jeremia 5:5

Anomanta, mɛɛ la nomonjena bee n ne bá ka bol. Ba te jemɛ Korowii baa dɛ tomɔ la waa bwa kɛrɛdɛ.” Kɛ ba bwa pɛ nyoa dɛ vɛh Korowii waa la ta teŋa.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

2 Koranar 5:1

Dɛ baa bɛl lole baa yerɔ Naaman. Dɛ onee Siiria kooro laa sitɔɔ. Dɛ o ɛ nɛnjen asɛ o dɔɔ kooro ɛɛ duuru kohona. Dɛkalkɛ a cheɡɛ o nɛ Korowii cha ba, dɛ ɡel ba pɔ ba dɔma nɛ. Kɛ dɛ wee lɔ Naaman nɛ.

2 Samoɛl 19:32

Dɛ Baasilai hwɛɛhrɔ kɛrɛdɛ, dɛ o dɔ bene fifraanuatoro. O dɔ suuɡa taeh, ɡɛ saŋ kooro fa aa soɡe Mahanaim la, dɛ onee dɛɛ tɛo kondikwa.

1 Samoɛl 25:2

Dɛ baa bɛl lɔ bela dɛ bɛne bwɛɛ bɛl baa dɛ yerɔ Kaamɛl dɛ dɔ suuɡa ne harɛ kohona. O berɔ dɔ boohna kaɡboŋ, dɛ peera ɡe kaɡboŋa atoro dɛɛ fonɛ a pona Kaamɛl bela.

1 Samoɛl 17:25

Name dɛ Israel tena la dɛ bol ŋɔ, “Hé na ɡɛ baa nɔ aa naa dɛɛ ba ya be nɔ kenɛ? O balɔ dɛ baa muɡli ya Israel tena baah. Nomɛlbwa waa won kpo baa nɔ la, kooro ɛɛ tɛo kondɔɔh kohonaa. Wɛɛ berɔ lawɛ o bihaah tɛo ó mo, ásɛ dɛ ɡel naate mɛɛ nɛra ɡel toɔ bɔe Israel harɛ ta.”

Nɛra Kura 24:11

Le warane kaa bela haa lea! N ŋɔ n fe ɛɛ bɔe kemee kɛrɛdɛ ɡa, kɛ Korowii tɔa ŋwɛnɛ.”

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

Daneɛl 5:7

Ate, kooro kpɔ takpeɡ ŋɔ bá ka yerɛ nɛra baa dɛ ɛ sɔmwe-ɛɛla, ne wejerema baa jemɛ weweela wa dɛ voɡra, ŋɔ bá ba. Baa bala la, Kooro la ŋɔ ba be ŋɔ, “Dɛ bɛlbwa wono kure kwaa baa chwera nɔ, dɛ baɡ mɛ a mun aa, mɛɛ ɡeloo bá tɔɔ yakɔl, dɛ́ kpɔ suuɡaswɛm jɔɡrɔre do o baŋa, ásɛ n habɔɔ ó ɛ nɛn waa teŋa tooro, dɛ dɔ kpeɡri kohona n kora harɛ nɔ ta.”

Daneɛl 8:27

Men Daneɛl, dɛ n ɡwɛɡrɔ, n bwara wee mɛ la sie tama mɔɔ n ta won ba ir dɛ ɛ toma tɛ kooro. N ta wepila la mun noɛ, dɛ a ɡwaa n liire ta.

Daneɛl 4:6

Anomanta, n ɡelɔ ba yerɛ Babelɔn harɛ ta wejerema bwa ŋɔ bá ba cheme n sie, dɛ́ baɡ mɛ deera la mun.