Daneɛl 2:37 - mzwDBL

³⁷ N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 2:37 Referans Kwoze

Ɛsekeɛl 26:7

Nemenɛ Korowii ŋɔ, “Mɛɛ ɡeloo Babelɔn Kooro Nebukadnesa waa ɛ koranar bwa koojen bá yo Taaya tena. O ne o laa tena ɛɛ warɔɔ le weekaŋle nyunduabɔr, bane valɛ, bane so jaɡre ne kwaa aa do kɛ torɔɡore baa vɔwa pɛl jaɡre ta, dɛ́ ba yoo ba.

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Ɛsra 7:12

“Tɔn nɔ le men Atasɛksɛs maa ɛ koranar bwa koojen be. N chwerɔ dɛɛ tɛ sɔfo Ɛsra haa ɛ chicha, dɛɛ baɡle Korowii Waa Dɛ Di Kora Nyundua la Mmarare. N dɛ nae.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 5:12

dɛ bwa pɛ bol takpeɡ ne ŋɔ, “Pebie la ba fa aa kpoo la, onee dɔ kpeɡri ne kondɔɔh ne wejema dɛ bokpeɡa, onee chɛ duure ne jirima ne kpɛɛra.”

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Hosia 8:10

Ba yoɡ ba te tɛ ɡɛ te, kɛ taraken mɛɛ berɔ boa ba nyoa. Baa na hɔhɔrɔwa kohonaa Asiiria koojen nɔn ta.

Daneɛl 4:34

Kooro Nebukadnesa ŋɔ, “Bene anuanɛ la aa baa kaa la, n ha sie nyiŋi nyundua, ate dɛ n sie chole harɛ, asɛ n kpɛɛ Nemenɛ Korowii, dɛ kpɛɛro dɛ tɛo jirima kɛŋɔ onee lole saŋ bɛlbwa dɛɛ la. Wɛɛ di kora saŋ bɛlbwaa dɛɛ la, o kora ɛɛ cheo saŋ te bɛlbwa.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:3

Korowii nyokpowe-ɛɛla waa ɛa tɛ yaa ta nyoa dɔe. O waa waa dɛ ɛ ɡe kan taeh. O kora ta jaɡa dɔe, wɛɛ di koraa saŋ bɛlbwaa dɛɛ la.

Jeremia 28:14

Waa Koranar Bwa Kooro, Israel tena aa dɛ tomɔ la aa dɛ bol laanee nɔ, dɛ́ wɛɛ kpɔ buni waa do kɛŋɔ daa ba yon kpɔ dawɛ nae nɛɛ aa parɛ laanee dawɛ harɛre nɛra baŋa ta, ásɛ baa tomɛ Babelɔn Kooro Nebukadnesa. Hale dɛ́ ɡel kpɔɡ bini ola ɡba ɛɛ tomɛ Kooro Nebukadnesa.’ ”

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

Sɛɡla 8:15

N cha koranar baa di kora, ásɛ nomonome won mmarare aa wera doe.

2 Webena 36:23

“Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta. Taraken, hé nɛra haa dɛ tomɛ Korowii bwa ir kaa bela, Kórowii haa dɛ tomɔ ja he nɛ.’ ”

1 Koranar 4:24

Yufretis Moo wee cholibɔr harɛ bwa taa Solomɔn di kora. Le Tifsa teŋe kaa wee cholibɔr ka tel Bwɛjen Gasa, dɛ deŋnesɔɔhna lɔ harɛ la bwa ta.

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.

2 Koranar 25:28

Kooro Evil Mɛrɔdak bol wobodɛɛɡa tɛ Kooro Jehoiachin, dɛ tɛo jirima ɡwaa koranar baa ja o nɛɛ ba laɡ ba kaa bojaŋ harɛ ta Babelɔn bela la bwa.

Jeremia 34:1

Korowii bol waa men Jeremia be, ɡɛ saŋ Babelɔn Kooro Nebukadnesa ne o laa tena, ne harɛre nɛra, dɛ wobol bwa soo siwi nɛra baa lɔ o lɔɡa, aa pɛa dɛɛ yo Jerusalam ne bwɛɛre aa baro cheme.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 4:22

n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Daneɛl 2:31

N naa kooro, kon haa nao he deera la ta laanee komɛl baa mao kɛŋɔ nɛn o do kan dɛ do ɔma kohona, dɛɛ nyɛɡle al-al ken.

Daneɛl 4:19

Ate, Daneɛl baa bera dɛɛ yerɔ Bɛltesasa la bwara yɔr kohona, o wili waa waa dɛ lii ta. Anomanta, kooro la ŋɔ, “Bɛltesasa, bɛ ɡel deera la kɛɛ a mun baɡla dɔe ɔmee.” Ate, Bɛltesasa chaŋe ŋɔ, “N naa kooro, n dɛ nyin kɛ deera nɔ ne a mun fe bɛ he waa ɛ, dɛ fee ɛ he dɔma wa.