Daneɛl 2:34 - mzwDBL

³⁴ Haa dɛ nyiŋu la, bwekuŋi bɛl waa wola nɛn nɔn ta leɛ kuu, dɛ ba lɔ kon baa mao kɛŋɔ nɛn la napaala aa ɛ buni ne choh la, dɛ kuuɡa burbur ken.

Daneɛl 2:34 Referans Kwoze

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

We-ɛɛla 4:11

Yeesu nɔ bwara waa ba baɡle Korowii Tɔn bini ŋɔ, ‘Bwe la he mamaala aa vɛoh dɛ liiru konsala laanee bera ba lawɛ dea la kpoŋe la.’

Amanesoma Jɔn Aa Chwera Tɔn 1:13

Ŋwɛnɛ nɛwɛnyini aa cheɡɛ o ta dɛɛ lolɛ bii la, kɛɛ nɛwɛnyini pɛla, kɛɛ nɛwɛnyini tetoora ta laa ba lol ba ba ɛ Korowii bii. Korowii kpeɡri taa a che ba berɛ o bii.

Aesaya 8:9

Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

Daneɛl 2:33

o nakpale ɛ buni, asɛ o napaala pera ɛ buni, o pera ɛ choh.

Ɛsekeɛl 32:28

Gɛɛ mɛɛ ba ɡela ba kpo Ijipt kooro. Mɛɛ chɔɡoo ásɛ o sewɛ chɔ nɛra baa wola men Korowii tomɛ ba kpoo ba laa ta la baah.

Ɛsekeɛl 47:5

O berɔ maɡɛ naɡale kaɡboŋ lafraanue, anɔ te la, o kpɔ mɛ jo nee waa do kɛŋɔ moo maa wola won leo, dɛkalkɛ dɛ o suu kohona dɛ do luŋri nomɛlbwa aa wola won wao le o baŋ.