Daneɛl 11:26 - mzwDBL

²⁶ O ɡbabir nɛra baa dɛ jao laanee dɛɛ ba o chɔɡa. Baa kpoo o laa tena ɡalɡaa, ásɛ ba bwa tonɛ.

Daneɛl 11:26 Referans Kwoze

Daneɛl 11:10

Siiria kooro la bii ɛɛ boa laa tena damanta nyoa, dɛ́ kpɔ ba te, dɛ́ ka yoo ba. Baa su harɛ la ta bobɛlbwaa kɛŋɔ nee yon su dɛ́ palɛ dɛɛ kpɔ bobɛlbwa la, dɛ́ yo ka tel dekpeɡ waa lɔ ba dɔma bwɛjen doonyoa.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Mak Aa Chwera Tɔn 14:20

Belaa Yeesu ŋɔ, “He nɛra fi dɛ banɛ nɔ n ne haa dɛ pɛ nɔn hɛna beŋkpoŋ bini nɔ bɛlee.

Matiu 26:23

Yeesu chaŋ ba ŋɔ, “Naate n ne waa pɛ nɔn hɛna beŋkpoŋ bini laanee.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.

Daneɛl 11:22

Nomɛlbwa waa tɔŋlo la, hale dɛ Sɔfonomoa Korowii aa leo yoo, wɛɛ chɔɡoo.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

2 Koranar 8:14

Asɛ Hasael berɛ kaa Kooro Bɛn Hadad be, asɛ o pɛɛro ŋɔ, “Bɔkwa waa Elaesa bol he be nɔ?” Hasael chaŋe ŋɔ, “Dɛ hɛɛ ɡbaŋroo.”