Daneɛl 11:17 - mzwDBL

¹⁷ Siiria kooro ɛɛ dɛɛ nyinuu kɛ o kpɔ o harɛ ta laa tena bwa ba. Waa dɛ nyin o chɔɡ o dɔma harɛ nomanta, o ne Ijipt kooro la ɛɛ fɔwɛ fɔwee, ásɛ o kpɔ o bihaah tɛo ó mo, kɛ ane a bwa, aa on cha.

Daneɛl 11:17 Referans Kwoze

Ɛsekeɛl 4:7

Berɛ sie chaɡɛ Jerusalam haa ɛo dɛ tɔɔ do la, dɛ́ tɛr nɔn dɛ́ bol waa bandia ne, á baɡle waa aa dɛ ba bala.

Ɛsekeɛl 4:3

Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.

2 Koranar 12:17

Gɛ saŋ dɛ Siiria Kooro Hasael ne o laa tena laŋɔ ka yo bwɛjen Gat tena dɛ pɔ ba nɛ, dɛ kpɔ sie chaɡɛ Jerusalam dɛ́ fe ba yo ba ɡe.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Amanesoma Luk Aa Chwera Tɔn 11:23

Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre.

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.

Matiu 12:30

Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre.

Daneɛl 11:19

Anɔ ɡe habɔɔ, wɛɛ berɔ kaa o ɡbaɡba harɛ dekpeɡa taa, kɛ baa pɔ o nɛɛ, o waa bwa ba a jaɡa.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Ɛsekeɛl 25:2

“Nɛwɛnyini bie, eɡle sie dɛ kah Amɔn tena, dɛ́ bol waa aa dɛ ba ba nɛɛ bala.

Ɛsekeɛl 17:17

Ijipt kooro ne o laa tena baa wara dɛ do kpeɡri, dɛ jemɛ yoi kohona la aa won chao laa ta, ɡɛ saŋ o laa tena aa ba ma teera sawɛ bwɛjen la danjwɛɛre, dɛ́ che a ta kpoo nɛra kohona la.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Yela 56:9

Awola maa wi yerɛ la, n dɔma ɛɛ berɛ habɔɔ, waa maa jema laanee kɛŋɔ hen Korowii ja n nɛ.

2 Webena 20:3

Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

Habakuk 1:9

Ba dɛ ba naa, naɡrenyin we-ɛɛla ɡboo lɔ ba sie ta. Nomɛlbwa waa no ba bala waa la, dɛ ɔmee lawɔ. Nɛra baa laɡ ba laa ta la warɔ, kɛŋɔ mpo nyoa hɛŋle ken.