Daneɛl 11:11 - mzwDBL

¹¹ Ijipt kooro ɛɛ kpɔ bandiaa kpɔ o laa tena, dɛ́ ka yo Siiria kooro, dɛ́ pɔ o ne o laa tena damanta la nɛ.

Daneɛl 11:11 Referans Kwoze

Daneɛl 8:7

N nao kɛŋɔ o kpɔ bandia kohona ka pu pebal la, asɛ dɛ chuɡo dɛ laa o nyeɡlare anɛ la kuuɡi. Pebal la sɔɔhnɔ o ta wone pu booh la yo, asɛ o chuɡo ɡo harɛ dɛ tiɡri o nɛ. Nomɛlbwa toole dɛ won lɛ pebal la.

Daneɛl 11:5

Ijipt kooro ɛɛ do kpeɡrii, kɛ o laa sitɔɔ bɛl ɛɛ do kpeɡrii ɡwaalo, dɛ́ di o kora kpeɡri kohona ne.

Daneɛl 11:44

Kɛ wɛɛ ba no waa aa chiɡ wee leebɔr ne weekaŋle nyunduabɔr nɔɔ, ásɛ o jum jah, á ɡel o ir kpɔ sibeɡra kohona ka yo dɛ́ kpoo nɛra warɛ.

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

1 Koranar 20:28

Belaa Korowii keame la la Israel Kooro Ahab be dɛ ŋɔ Korowii ŋɔ, “Siiria tena dɛ lii kɛŋɔ men Korowii lɔ deŋɡarere ta, n toole harɛre aa chɔa kaa ta nomanta, mɛɛ kpɔ laa tena damanta nɔɔ do he nɔn taa, ásɛ he jemɛ kɛŋɔ menee Korowii.”

1 Koranar 20:13

Anɔ bwa la, dɛ Korowii keame bɛl ba Israel Kooro Ahab be dɛ ba ŋɔ o be ŋɔ, “Korowii ŋɔ kɛ he na laa tena baa wara nɔ kenɛ? Mɛɛ kpɔ baa do he nɔn taa fini, ásɛ he jemɛ kɛŋɔ menee Korowii.”

Daneɛl 11:12

Ijipt kooro la ɛɛ maŋkura o te pɔe waa pɔ ba nɛɛ la waa, ne laa tena waa kpoo ba warɛ la, kɛ waa won teŋɛ dɛɛ pɔ o dɔma nɛɛ ɡɛ.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.