Daneɛl 11:10 - mzwDBL

¹⁰ Siiria kooro la bii ɛɛ boa laa tena damanta nyoa, dɛ́ kpɔ ba te, dɛ́ ka yoo ba. Baa su harɛ la ta bobɛlbwaa kɛŋɔ nee yon su dɛ́ palɛ dɛɛ kpɔ bobɛlbwa la, dɛ́ yo ka tel dekpeɡ waa lɔ ba dɔma bwɛjen doonyoa.

Daneɛl 11:10 Referans Kwoze

Daneɛl 11:7

Aa biɡri bɛlbwa ásɛ Ijipt kooro bihaah la lole bɛl ba iru, dɛ́ ba so o buɡ ta. Wɛɛ kpɔ laa tenaa ka yo Siiria kooro, dɛ́ jo o koodem dekpeɡ bini, dɛ́ pɔ ba nɛ.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Jeremia 51:42

Mpo suu tɔ Babelɔn harɛ ta, o nehɛma tao ba bɔle o ta.

Daneɛl 11:26

O ɡbabir nɛra baa dɛ jao laanee dɛɛ ba o chɔɡa. Baa kpoo o laa tena ɡalɡaa, ásɛ ba bwa tonɛ.

Daneɛl 11:22

Nomɛlbwa waa tɔŋlo la, hale dɛ Sɔfonomoa Korowii aa leo yoo, wɛɛ chɔɡoo.

Aesaya 25:12

Wɛɛ chɔɡ Moab harɛ bwɛɛre danjwɛkpeɡa ne anjaŋa bwaa, dɛ́ kuuɡa a bwa a chɔ harɛ.

Daneɛl 11:9

Siiria kooro ɛɛ kpɔ o laa tenaa ka lɔ tɔ Ijipt kooro ne o nɛra nɛ, kɛ waa won, dɛ́ berɛ kaa o harɛ ta.