Daneɛl 10:21 - mzwDBL

²¹ kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Daneɛl 10:21 Referans Kwoze

Daneɛl 10:13

Asɛ nyundua torome waa dɛ di Pɛɛsea harɛ kpeɡri la ba tɔ mɛ ŋwɛnɛ tɔpera fifraanɛ dɛ beŋkpoŋ. Ate, Maekel waa ɛ nyundua toroma nomonome la bini bɛl ba cha mɛ, lawa baa laɡ mɛ n so Pɛɛsea harɛ ta la wa.

Wepila 12:7

Asɛ laa chole Korowii doa. Maekel waa ɛ nyundua toroma la bwa nomoa la ne o dɔm kaa pu kontuuɡi damanta la ne o ɡe bala ba yo,

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

We-ɛɛla 15:15

Korowii keamere la bwaa fa bol a ɡɛ waa nɔ dɛ chwerɛ Korowii Tɔn bini ŋɔ,

Daneɛl 12:4

Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

We-ɛɛla 15:18

A saŋ la bwaa o ɡel nɛra na ɡɛ waa nɔ.’

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Daneɛl 9:22

O ŋɔ n be ŋɔ, “Daneɛl, taraken n balɔ dɛ́ ba baɡle hé no wepila la mun.