Daneɛl 1:8 - mzwDBL

⁸ Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah.

Daneɛl 1:8 Referans Kwoze

Yela 141:4

Laa n bambile kpɔ wechɔɡa ɛɛ ta, bɛ ɡel n ja wechɔɡ-ɛɛra nɛɛ dɛɛ ɛ wechɔɡa, kɛɛ n ne ba pɛ nɔn di ba silɛɛ kondikwa.

1 Kɔrent 7:37

Dɛ baa bɛlbwa nyiŋi ɡɛ waa nɔ kɛrɛdɛ, dɛ ŋɔ waa o bihaahnee kpɔ tɛ baa bɛlbwa ó mo aa, dɛ nomɛl laa hɛo, dɛ o ɡbaɡba bambile binii a le, asɛ o ta on kpɔe tɛ baa laa, o ɛ wa.

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Daneɛl 1:5

Babelɔn kooro ŋɔ báa tɛɛ ba o kondikwaa ne sen waa dɛ nyɔ tɔpere bɛlbwa la dɔŋa. Dɛ ŋɔ bá baɡ ba waa la bene atoro, ásɛ mɔɔ ba baa ɛ toma koodem bela.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.

Mmarare 32:38

Dɛ ŋɔ, ‘He fa kpoo kwaa aa do noo tɛa, dɛ tɛa sen a nyɔ. Hé ɡel a ba cha heyaa taraken nɔ, a chwa ba lɛ heya.’

Yela 106:28

Baa tel Peɔ la, ba kpɔ ba te ka do voɡ Baal lɔɡa dɛɛ tomɔ, dɛɛ di saraha kwaa baa ɛa tɛ voɡa aa wola mkpa dɔe.

1 Koranar 5:5

N ɛ n liire kɛŋɔ ń do dea tɛ Korowii, ɡɛ waa ŋɔ n mɛɛ Kooro Devid be ŋɔ, ‘He bie maa ba ɡel o so he buɡ ta dɛ́ di kora laanee dɛ́ do n Dea tɛ mɛ’ la.

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

Sɛɡla 23:3

Bɛ ɡel he pɛla do o kondikondɛɛɡa la ta, a ken ɛ ŋwɛnɛ bɛl waa kpɔ neɡre.

Daneɛl 5:4

Baa dɛ nyɔ sen la, dɛ ba dɛ kpɛɛ voɡa baa kpɔ suuɡaswɛm, ne suuɡapoŋa, ne bune, ne ayaawa, ne daa dɛ bwea ɛa la.