Emɔs 8:5 - mzwDBL

⁵ dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Emɔs 8:5 Referans Kwoze

Hosia 12:7

Korowii ŋɔ, “Kon-yoɡra kpɔ kwaa aa wola chɛɛ maɡɛ kwaa dɛɛ faah nɛra, ba sie dɛ lɛ nɛn faahra ta.

Lewi Dea Tena 19:36

Hé kpɔ kwaa aa chɛ kɛŋɔ hé kpɔ maɡɛ kwaa maɡɛ ɡɛ a bɛlbwa aa chɛa. Menee Korowii haa dɛ tom mɛ n kpɔ heyaa le Ijipt harɛ ta ba la.

Aesaya 1:13

He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.

Sɛɡla 20:23

Korowii kii nɛn waa dɛ faah nɛra kwaa yoɡa ta, ne onɔ la baa kpɔa dɛɛ maɡɛ kwaa dɛɛ faah nɛn.

Sɛɡla 16:11

Korowii dɛ nyin kasinteŋ bona dii waa ta, a waa o ɡel kwaa baa kpɔa dɛɛ kari kwaa do le.

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

2 Koranar 4:23

Anee o jaa la chaŋe ŋɔ, “Bɔkwa waa hɛɛ nyin he la o be fini nɔ? Korobifale Tɔpejen kɛɛ Ona Tɔpere laa fini.” O ŋɔ, “Bɛ ɡel a hae.”

Nɛra Kura 10:10

Ba sie baa lɛ ba benanyoa ne Korobifala Tɔpejena baa lea cheɡ dɛɛ dia ta naa, bá hoah bela baa kpɔ saraha kwaa baa dɛ fuah, ne deŋnesɔɔhna saraha dɛɛ ba la, ásɛ a chɔ le dɛɛ lii ba n wa. Menee Korowii baa dɛ tom mɛ la.”

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Kolosi 2:16

Anomanta, dɛ nomɛlbwa dɛ pwah heyaa kwaa ane haa dɛ di, ne kwaa haa dɛ nyɔ, ne he tɔpejena dii benanyoa ne Korobifala Tɔpejena, ne Ona Tɔpera ta naa, he bɛ on dawɛ.

Malakae 1:13

He ŋɔ he mee leɔ, dɛ laa sie kpɔ saraha kwaa aa wera kɛŋɔ he kpɔ baa tɛ mɛ la ta. Kɛ he kpɔ kondɛɛra bola aa lɔ a nɛ, ne anɔ la aa wola won valɛ kɛɛ weela tena ba ɛ saraha dɛɛ tɛ mɛ. Mɛɛ lɛa yaa?

Kaala 31:13

“Ŋɔ Israel tena be ŋɔ a chɛ kɛŋɔ báa di n Ona Tɔpera. Anee dɛ́ ɛ danseɛ kon n ne ba baah dɛɛ lii ba, hale dɛ ka tel ba naanar baa ka ba bwa nɛ, ásɛ he jemɛ kɛŋɔ men Korowiirii le heyaa tɛ n te hé ɛ n nɛra.

1 Samoɛl 20:5

Ate Devid ŋɔ, “Keree Korobifale Tɔpejen, a chɛ kɛ n ne kooro di kwa. Kɛ ɡel ń chwa ka sɔh kpɔɡ bini ka tel kerele jɔmɔra.

Sekaria 5:6

Asɛ n bɔɔ ŋɔ, “Bɔkwa konee yɔ?” O chaŋe ŋɔ, “O ɛ wɛɡrɛ baa kpɔa dɛɛ maɡɛ kwa,” o berɛ ŋɔ, “o cheɡɔ tɛ harɛ nɔ ta bwa nɛra wechɔɡa.”

Sekaria 5:8

Korowii nyundua torome la ŋɔ, “Haah nɔ cheɡɔ tɛ nyubinikpeɡ.” Asɛ o berɛ taɡɔ do wɛɡrɛ la bini dɛ kwaa o tɔ la tɔ.

Hosia 12:8

Israel tena dɛ ɛ mbarafo dɛ ŋɔ, ‘Ya dɔ suuɡa, dɛ ɛ dɔɔhna. Ya kondɔɔh bwa habɔɔ baa wechɔɡa bɛlbwa ya nɛɛ na.’