Emɔs 7:13 - mzwDBL

¹³ Bɛ Korowii waa la bol Bɛtel bonɔ kpa, dɛkalkɛ bonɔɔ harɛ nɔ ta nɛra ne kooro bwa ba dɛ baa tomɛ.”

Emɔs 7:13 Referans Kwoze

Emɔs 2:12

Kɛ he ɡelɔ Nasiri tena nyɔ sen, dɛ do n keamere ŋɔ ba bɛ n waa aa dɛ ba bala la ka bol.

1 Koranar 12:32

O le tɔpejen cheɡ korobinuatoro o tɔpera fi dɛ anue ta, kɛŋɔ anɔ la baa dɛ dia Juda la ken, dɛ ɛ sarahare kon baa dɛ fuh kwaa o ta. O ɛ saraha kon Bɛtel, ba kpɔ nabali ɛ sarahare beŋkpoŋ waa kpɔ suuɡaswɛm ɛo la ta. Bɛtel bela la, o kpɔ kerekpoŋra so voɡa waa ɛa deŋɡarere ta la ta.

1 Koranar 12:29

O kpɔ bɛl ka cheɡ Bɛtel waa bɛne Jerusalam ta, asɛ dɛ kpɔ bɛl ɡe ka cheɡ Dan waa lɔ weekaŋle nyundua pera.

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

We-ɛɛla 5:40

Ba yerɛ Yeesu toroma la jo dea, dɛ lɔɔ ba chweremi ne, dɛ kwaa aah ba ŋɔ ba bɛ too kpɔ Yeesu sɔn bol waa kpa, dɛ kpɔ ba ta.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

Aesaya 30:10

Ba ŋɔ Korowii keamere baa dɛ na waa chaahna ta be ŋɔ, ‘He bɛ chaahna waa bol ya be kpa. He bɛ kasinteŋ waa aa chɛ kɛ ya ɛ dɛɛ bol kpa. Hɛ́ɛ bol waa aa dɛ lɛ sie, dɛ ɛ wesoma ya be.

Emɔs 3:14

“Awola maa ba tɛr Israel tena deŋne ba wechɔɡa waa la, mɛɛ paɡre kwaa baa dɛ ɛ saraha a ta Bɛtel bwaa, dɛ́ kuuɡi kwaa aa do kɛŋɔ nyeɡlare dɛ paaɡe a ta bwaa bil harɛ.

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

Emɔs 7:16

Hé no waa Korowii aa dɛ bol he be. He ŋɔ, ‘Bɛ Korowii waa la bol, ɡel waa aa dɛ ba Israel tena nɛɛ bala la waa bola. Ásɛ dɛ ɡel waa bola dɛ́ yaɡɛ Aesek dea tena.’

2 Koranar 14:24

O ɛ wechɔɡa dɛ jo Korowii nɛ. Wechɔɡa Nɛbat bibaa Kooro Jɛroboam aa ɛa a che a ta Israel tena ɡe ɛ wechɔɡa la, o ta an ɡelɛ.

Jeremia 26:9

Ɛrɛɛ he che Korowii sɔn ta dɛɛ bol ŋɔ Dea nɔ ɛɛ doo kɛŋɔ Silo, ásɛ bwɛjen nɔ ɡe chɔɡ, nɛra aa wola o taa so kpa nɔɔ?” Ate, nɛra la bwa den ba bar men Jeremia Korowii Dea bela.